دیجیتال میدیا سپێده:
ئەنجومەنێ نوینه‌ران بڕیاردا ب پەسەندکرنا پڕۆژە یاسایا هەموارکرنا مادده‌یێ (12/دووەم/ج) ژ یاسایا بودجەیا سێ قۆڵی یا ژمارە (13ی ساڵی 2023)، بۆ ئەڤێن ل خوارێ ڤه‌دگریت:
1- وەزارەتا دارایی یا فیدراڵی سوزێ دده‌ت حکومەتا هەرێما کوردستانا عێراقێ ژ خەرجیێن سەروەری بۆ تێچوویێ بەرهەمئینان و ڤه‌گوهاستنێ قەرەبوو بکه‌ت، بۆ ئەو كوژمه‌یێ نەفتا ل هەرێمێ بەرهەم دهێت کو ژلایێ کۆمپانیا ب بازاڕکرنا نەفتا (سۆمۆ)ڤه وەردەگریت، یان وەزارەتا فیدراڵی ژ نەفتێ لگور بڕگەیێن (ئە) و (ب)یا ئەڤێ بڕگەیێ، ب مەرجه‌كی تێچوویێ دادپەروەرانە خەملاندنا بەرهەمئینان و ڤه‌گوهاستنێ بۆ هەر کێڵگەهه‌كا ب جودا بهێته هه‌ژمارتن، ژلایێ دەزگه‌هه‌كێ ڕاوێژکاری یێ تەکنیکیێ ناڤده‌وله‌تی یێ تایبەتمەند ڤه، کو ژلایێ وەزارەتا نەفتا فیدراڵی ب ڕێککەفتن دگه‌ل وەزارەتا سامانێن سرووشتی ل هەرێمێ ده‌ستنیشانا دكه‌ت ، د ده‌مێ (60) ڕۆژاندا ژ چوونا بوارێ جێبەجێکرنا ئەڤێ یاسایێ، و ژ ئەگەرێ ناکۆکیێ د ده‌مێ به‌ری نوكه‌دا، ئەنجومەنێ وەزیرێن فیدراڵی ئەو دەستەیا ڕاوێژکاریێ دیار دكه‌ت.
2- ئەو ڕاوێژکارییا ل بڕگەیا به‌ری نوكه دا ئاماژە پێکرییه، تێچوویێ خەملاندیێ بەرهەمئینان و ڤه‌گوهاستنێ پێشکێش ب وەزارەتێن نەفتێ و وەزارەتا دارایی یا فیدراڵی و حکومەتا هەرێما کوردستانا عێراقێ دكه‌ت و بۆ مەره‌ما ئەڤێ یاسایێ پەسەند دكه‌ن، و هه‌ژمارتنا قەرەبوویا به‌ری نوكه دڤێت لسەر بنەمایێ تێچووییێن به‌ری نوكه بۆ هەر بەرمیله‌كێ دێ ژ ژمارەیا بەرمیلێن وەرگرتی كه‌ت لگور بڕگەیێن (ئەلف) و (ب)، دڤێ بڕگەیێ دا، و وەزارەتا دارایی یا فیدراڵی ئەوی كوژمه‌یێ پاره‌ی دده‌ته حکومەتا هەرێمێ.
3- دەملده‌ست ب گەهاندنا نەفتا بەرهەم هاتی ل هەرێمێ بۆ کۆمپانیا ب بازاڕکرنا نەفتا (سۆمۆ)، یان وەزارەتا نەفتا فیدراڵی لگور بڕگەیا (ئەلف) و (ب)یا ئەڤێ بڕگەیێ،و قەرەبوویا تێچوویا بەرهەمئینان و ڤه‌گوهاستنێ دكه‌ت ژلایێ وەزارەتا دارایی یا فیدراڵی بشێوەیێ سولفە، ب تێكرایێ (16) دۆلار بۆ هەر بەرمیله‌كێ، کو پاشی دێ چارەسەر كه‌ن پشتی تمامبوونا كارێ راوێژكارییا تەكنیكی یا تایبەتمەند كو ل سەری به‌حس لێ هاتیه‌كرن لسەر بنەمایێ به‌ری هینگێ گرت ژ ڕێككه‌فتا دەستكرن ب رادەستكرنا نەفتێ لدور ئەڤێ هەموارێ.
