دیجیتال میدیا سپێده :
وەزارەتا نافخویا توركیا وەك پێرابونەكا دەمی، سەروك باژێرڤانیا سێرتێ ژ كارێ وێ دوورخست.
دراگەهاندنەكێ دا وەزارەتا نافخویا توركیا بەلاڤكریە: سەروك باژێرڤانیا سێرتێ "سوفیا ئالاگاش" ژلایێ پێنجەمین دادگەها قورس یا ئامەدێ ب تاوانا ئەندامبوون دگەل پەكەكە سزا زیندانیا شەش ساڵ و سێ هەیڤان بسەر دا هاتیە سەپاندن.
هەروەسا راگەهاند ژی: لدور دەستور و یاسا باژێرڤانیێ، ئالاگاش ژلایێ وەزارەتا نافخویا توركیا ب رەنگەكێ دەمی ژكاركرنێ هاتیە دوورخستن، و لدور ماددێن یاسا باژێرڤانیان ژی، پارێزگارێ سێرتێ د. كەمال كزڵكایا وەك بریكارێ سەروكێ باژێرڤانیا سێرتێ هاتیە راسپاردن.
لدەمێ رابوری دا حكومەتا توركیا چەندین سەروك باژێرڤانی و بەرپرسێن كوردی ل دەڤەرێن كوردیێن باكورێ كوردستانێ ژكاری دوورخستینە ئەڤە ژی ب هەجەتا ئەندامبوونێ د پارتا كرێكارێن كوردستانێ پەكەكە دا.
دوورخستنا ئالاگاشێ ئێكەم حالەتە لدەمێ ئەڤ سالە بێتە جێبەجێكرن و ددەمەكێ دایە دانوستانێن ئاشتیێ ل توركیا بەرەڤ پێشچوونێ بخوڤە دبینن لدور ئاریشان كوردان دڤی وەلاتیدا.
