دیجیتال میدیا سپێده:
سەرۆكێ فراكسیونا یەكگرتوو ل پەرلەمانێ عیراقێ اڕگەهاند: پێدڤییە ژبۆ مووچێ فەرمانبەرێن هەرێمێ ژبۆ ئەڤ سالە شەڕی بۆ بكەین.
د. جەمال كوچەر سەرۆكێ فراكسیونا یەكگرتوو وهەڤدەم ئەندامێ لژنا دارایی ل پەرلەمانێ عیراقێ ژبۆ سپێدە راگەهاند: پێدڤیە ئەم شەڕی بكەین ژبۆ مووچێ فەرمانبەرێن هەرێمێ ژبۆ ئەڤ سالە، و ب هیچ ڕەنگەكی ژی نابیت قەبویل بكەین چارەنڤیسێ مووچێ هەرێمێ ژبۆ ئەڤ سالە وەك یێ سالا 2024 لێبهێـت.
د. جەمال كوچەر گوت ژی: ژبۆ ئەڤ سالە ڕێكێ نادەین پرسا مووچێ فەرمانبەرێن هەرێمێ وەك سالا رابوری ب ئاریشەڤە بەردەوام بیت.
راگەهاند ژی: پێدڤییە وەزارەتا دارایی وئابووریا هەرێمێ گوژمەیەكی ژ مووچەی دەست نیشان بكەت نەك وەكی بەری نوكە هەر هەیڤەكی بڕەنگەكی بیت، و دبێژیت: هەرێم یا بەرهەڤە سەرجەم داهاتان ڕادەستی بەغدا بكەت، ئەگەر بەغدا پابەند بیت ب هنارتنا شایسته‌یێن دارایی یێن هەرێما كوردستانێ.
