دیجیتال میدیا سپێده:
ژبۆ جارا دوویێ شاندێ پارتا ئێكسانی و دیموكراسیا گەلان دەم پارتی سەرەدانا زیندانیا ئیمرالی كر ودگەل عبدولڵا ئوجەلان رێبەرێ زیندانكریێ پارتا كرێكارێن كوردستانێ پەكەكە كومبوو.
پشتی زڤرینا وان ل گرتیخانا ئیمرالی و هەڤدیتنا دگەل ئوجەلانی، شاندێ دەمپارتی راگەهاند: هەڤدیتنا مە دگەل ئوجەلانی چوار دەمژمێران ڤەكێشا، و ئەڤرو ژی دێ راگەهاندنەكێ دڤی واریدا بەلاڤكەن.
شاندێ دەمپارتی راگەهاند: سیاسەتمەدارێ كورد ئەحمە دتورك و هەر ئێك ژ پەرلەمانتارێن دەمپارتی سری سورەیا ئۆندەر و پەروین بوڵدان ژبو جارا دوویێ هەڤدیتن دگەل عوبدولڵا ئوجەلان رێبەرێ زیندانكریێ پەكەكە ل زیندانا ئیمرالی ئەنجامدا و پرسا ئاشتیا كوردان ل توركیا دگەل دا گوتوبێژكریە.
ل 17ی ڤێ هەیڤێ، ژبو ئێكەمجار شاندێ دەمپارتی سەرەدانا گرتیخانا ئیمرالی كر و پشتی زڤرینا وان ل سەر داخازا ئوجەلانی شاندێ وان دگەل پارتێن سیاسی یێن توركیا دا كومبوون وتەڤایا لایەنێت توركیا ب ئەرینی بەحس ل پرسا چارەسەریا كوردان ل توركیا دا دكەن.
