نـــووچـــه‌ گــوتــار بـه‌رنـامـه‌ درامـــا ئــابــووری پـه‌یـوه‌نـدی ده‌ربارێ مه‌
په‌خشی ڕاسته‌وخۆ

هەسەدە و وەزارەتا بەرەڤانیا سوریا بەرسڤا داخویانیێن هەڤدوو ددەن

ديجيتال میدیا سپێده‌:

پشتی وەزیرێ‌ بەرەڤانیا سوریا راگەهاندی: ئەگەر گوتوبێژێن دناڤبەرا هێزێن كوردی ودیمەشقێ‌ شكەستنێ‌ بینن ئەم د بەرهەڤین ژبو بكارئینانا هێزێ‌، هەسەدە ژی بەرسڤا وان ددەت و رادگەهینیت: ئەم ب زور چەكی نا دانین.

مورهف ئەبو قوصرە، وەزیرێ‌ بەرەڤانیا سوریا راگەهاندیە: دیمەشق یا ڤەكریە ل هەمبەری گوتوبێژان دگەل هێزێن كوردی لدور ئێكخستنا وان دگەل سوپایێ‌ نیشتیمانیێ‌ سوریا دا، لێ‌ دبەرهەڤین ژی ژبو بكارئینانا هێزێ‌ ئەگەر گوتوبێژ شكەستنێ‌ بینن.

ژلایێ‌ خوڤە سایل زوبەیع جێگرێ‌ پەیڤدارێ‌ هەسەدە ژی بەرسڤا وەزیرێ‌ بەرەڤانیا سوریا ددەت ودبێژیت: ئەم ب زور چەكی نا دانین ودەستێ‌ خو ژی ژبو چەكی نابەین ئەگەر ئەو چەكی ل دژی مە بكارنەئینن، وگوت ژی: ل گەرا ئێكێ‌ یا دانوستان دگەل ئیدارا نوی یا سوریا گەهشتینە چەندین خالێن ئەرێنی وگەڕا دوویێ‌ ژی یا برێڤە.

هەروەسا هەسەدە بانگهێشتا ئەحمەد شەرع فەرماندێ‌ ئیدارەدانا سوریا دكەت هەتا گەرا دوویێ‌ یا دانوستانان ل باكورێ‌ روژهەلاتا سوریا ئەنجامبدەن، بەری نوكە ژی شاندەكێ‌ هەسەدە دگەل ئەحمەد شەرعی ل دیمەشقێ‌ كومبوینە وشەرعی ئەو یەك گوتیە: هێزێن كوردی پێدڤیە بێخنە سەر سوپایێ‌ نویێ‌ سوریا هەتا چەك بتنێ‌ ددەستێ‌ دەولەتێ‌ دا بیت.

دڤی واریدا مەزلوم عەبدی فەرماندەیێ‌ هەسەدە راگەهاندیە: ئێك ژداخازیێن سەرەكیێن مە رێڤەبەرایەتیەكا لامەركەزییە، وگوت: ئەم د ڤەكرینە هەتا هێزێن مە بێخنە سەر وەزارەتا بەرەڤانیا سوریا وەك كوتلەیەكا سەربازی وبێی هەلوەشاندنا هێزێن مە.

دهەمبەر دا ژی وەزارەتا بەرەڤانیا سوریا ڤێ‌ داخازیا مەزلوم عەبدی رەتدكەت ودبێژیت: داخازیا هەسەدە یا گونجایی نینە، ئەم دبێژین: پێدڤیە ئەو بهێنە دناڤ وەزارەتا بەرەڤانیێ‌ دا دناڤ هەرەمێ‌ وەزارەتا بەرەڤانیێ‌ دا بن وب رەنگەكێ‌ سەربازی بهێنە دابەشكرن.

. بابه‌تی هاوبه‌ش
  • وەزیرێ‌ دەرڤەیێ‌ ئەمریكا سەرەدانا سعودیە دكەت

    دیجیتال میدیا سپێده‌:ئەڤرو وەزیرێ‌ دەرڤەیێ‌ ئەمریكا ب سەردانەكا فەرمی گەهشتە ریاز یا پایتەختێ‌ سعودیە ئەڤە ژی دچوارچووڤێ‌ گەرا خویا فەرمی ژبو روژهەلاتا ڤەراست وبریارە ژی سەرەدانا ئیمارات بكەت. ژێدەرێن نوچەیی ل سعودیە بەلاڤكریە: ماركۆ روبیۆ وەزیرێ‌ د

  • غەززە.. گەڕا شەشێ‌ یا لێكگهورینا ئێخسیران برێڤەچوو

    دیجیتال میدیا سپیده‌:ئەڤرو ل 28مین رۆژا رێككەفتنا ئاگربەستا دناڤبەرا بزاڤا حەماس و قەوارێ‌ زایونیدا، گەڕا شەشێ‌ یا لێكگهورینا ئێخسیران برێڤەچوو. ئەڤرو ل پارێزكەها خان یونس ل ناڤەراستا كەرتی، كەتائیب قەسام دمەراسیمەكێدا سێ‌ ئێخسیرێن زایونی دچوارچوڤێ‌

  • سوپایێ‌ سوریا چەند دەڤەرێن سنوری پشتی پێكدادانێ‌ دگەل حزبولڵا كونترولكرن

    دیجیتال میدیا سپێده‌:هێزێن سەر ب زێرەڤانێن سنوری یێن سەر ب وەزارەتا بەرەڤانیا سوریا چەند دەڤەر ل پشتی پێكدادان دگەل حزبولڵا لوبنانی ل نافچەیێن سنوری یێن سەر ب پارێزگەها حومس كونترولكرن. سوپایێ‌ سوریا ئوپەراسیونەك ل نافچەیێن سنوری یێن دناڤبەرا لوبنان