دیجیتال میدیا سپێده:
پشتی دەمژمێر 11ی سپێدەهیا ئەڤرو زەنگا هایداریێ ژبو بەرهەڤبوونا پەرلەمانتاران بو هولا رونشتنێ هاتە لێدان، لێ ژبەر تەمام نەبوونا رێژا یاسایی رونشتنا ئەڤرو نەهاتە ئەنجامدان.
درونشتنا ئەڤرو یا پەرلەمانێ كوردستانێ دا، بتنێ 26 پەرلەمانتار بەرهەڤبوون، هەر ئێك ژ فراكسیونا یەكگرتوو و نەوەی نوێ و بەرەیێ هەلویست و ژمارەیەك پەرلەمانتارێن پارتی وئێكەتی بەشداری رونشتنێ بوون.
لدور پەیرەوێ نافخویێ پەرلەمانی، ژبو كومبوونێ پێدڤیە زورینەیا رەها یا پەرلەمانتاران بەرهەڤ بن هەتا كومبوون برێڤەبچیت، لێ ئەڤرو ژ سەرجەمێ 100 پەرلەمانتاران، بتنێ 26 پەرلەمان بەرهەڤبوینە بڤێ ژی نەشیان كومبوونێ ئەنجامبدەن.
ژبەر تەمامنەبوونا رێژا یاسایی جارەكا دی رونشتننا پەرلەمانی هاتە ژكارخستن، ئەڤ رونشتنە درێژە پێدەرا رونشتنا ئێكێ یا رابوری بوو وهیچ بەرنامەیەكی كاری ژبو نەهاتبوو بەلاڤكرن.
ئێكەمین رونشتنا خولا نوی یا پەرلەمانێ كوردستانێ ل 2ی كانینا ئێكێ یا سالا 2024 برێڤەچوو، لێ ژبەر رێكنەكەفتنا پارتی وئێكەتی لسەر هەلبژارتنا دەستەیا سەروكاتیێ كومبوون ژكارخست و ب ڤەكری هێلا.