دیجیتال میدیا سپێده:
سەروك وەزیرێن عیراقێ راگەهاند: رێزێ ل بژاردەیا ئازادانە یا گەلێ سوریا دگرین و تەكەزكر: بەرهەڤین ل قوناغا راگوزەر دا هاریكاریا سوریا بكەین.
نڤیسینگەها راگەهاندنا سەروك وەزیرێن عیراقێ بەلاڤكریە: محمد شیاع سودانی سەروك وەزیرێن عیراقێ پێشوازی ل جەنەراڵ مایكڵ كوریلڵا فەرماندێ فەرماندەییا ئەمریكا كریە، دوماهی پێشهاتێن رەوشا سوریا و كارڤەدانێن وێ لسەر دەڤەرێ كرینە و سوودانی راگەهاندیە: رێزێ ل بژاردەیا ئازادانە یا گەلێ سوریا دگرین و عیراق یا بەرهەڤە د قوناغا راگوزەر دا هاریكاریا سوریا بكەت.
سوودانی تەكەزیێ لسەر پاراستنا ئاسایش وئێكپارچەیا ئاخا سوریا وسەلامەتیا گەلێ دكەت، وگوت: پێدڤیە رێگری بێتە كرن ژ هەر هێرشەكی ژبو سەر پێكهاتەیێن گەلێ سوریا بێتە كرن.
سوودانی راگەهاند ژی: عیراق دێ یا بەردەوام بیت دگەل وەلاتێن عەرەبی و هەڤسێ ژبو هاریكاریكرنا سوریان و چەسپاندنا ئاسایش و سەقامگیریێ ل نافچەیێ دا.
