لدور رەوشا سوریا وپێشهاتێن شەرێ دناڤبەرا ئوپوزسیونێ و رژێما ئەسەدی، نەتەوێن ئێكگرتی دپەیوەندیێ دایە دگەل لایەنان ژبو كێمكرنا گژریان.
گێیر پێدەرسن، هنارتیێ تایبەتێ نەتەوێن ئێكگرتی ژبو سوریا راگەهاند: بەردەوامین ل گوتوبێژ وپەیوەندیێن تەلەفونی دگەل لایەنێن سوریا ژبو كێمكرنا گرژیان و چاڤەرێ دكەین ژبو ڤێ مەرەمێ سەرەدانا دەوحە یا پایتەختێ قەتەر ژی بكەن.
هەروەسا پێدەرسن دگەل نوونەێن هەر ئێك ژ روسیا و توركیا وئەمریكا ژبو گوتوبێژكرنا رەوشا سوریا كومبوویە، و د پەیوەندییەكا تەلەفۆنی دا دگەل عەلی ئەسغەر وەزیرێ دەرڤەیێ ئیرانێ رەوشا سوریا گوتوبێژكریە وپەیوەندی دگەل بەرپرسێن بلندێن رژێما ئەسەدی ژی كریە ژوانا ژی بەسام صەباغ وەزیرێ دەرڤەیێ رژێما سوریا.
چاڤەرێ دهێتە كرن هنارتیێ تایبەتێ نەتەوێن ئێكگرتی ژبو سوریا، ژبو گوتوبێژكرنا رەوشا سوریا وگرژیێن نوكە، سەرەدانا دەوحە یا پایتەختێ قەتەر بكەت.
