دیجیتال میدیا سپێده:
پشتی ل دوهی گروپێن ئوپوزسیونا سوریا 18 گوندو باژێرێن دی ل پارێزگەها حەماسێ كونترولكرین، ئەڤرو ژی ل سێ میحوەران بەرەڤ ناڤەندا باژێرێ حەمایێ پێشڤەچوونێ دكەن و گەهشتینە دناڤ جەرگێ باژێری دا.
ئەڤرو گروپێن ئوپوزسیونا سوریا چەندین دەڤەرێن نوی كونترولكرینە و ژوانا ژی قوتابخانا هێزا دەریایی و لیوا 87، هەڤدەم هەلیكوپتەرەكا رژێما سوریا پێگەهێن ئوپوزسیونێ ل گوندێ مەعرەدەس ل باكورێ حەمایێ بوردومانكریە.
هەروەسا ژلایێ خوڤە رژێما سوریا دەستكریە ب ڤالاكرنا بانك و نڤیسینگەهێن لێكگهورینا دراڤان ل باژێرێ حەمایێ دا.
ل 27ی هەیڤا رابوری گروپێن چەكداریێن ئوپوزسیونێ ل سوریا ل چەندین دەڤەران دگەل هێزێن رژێما بەشار ئەسەدی پێكدادان ئەنجامدا و بڤی ئەگەری ژی هێزێن ئوزپوزسیونێ چونەدناڤ باژێرێ حەلەب و پتریا جهێن گرنگێن وێ پارێزگەهێ كونترولكرن، پاشێ ژی كونترولا تەڤایا پارێزگەها ئیدلبێ ژی راگەهاند و نوكە ژی دناڤ جەرگێ پارێزگەها حەمایێ دانە.
