دیجیتال میدیا سپێده:
پەیڤدارێ فەرماندەیا گشتیا هێزێن چەكدارێن عیراقێ رادگەهینیت: سنوورێن خو دگەل سوریا ب رەنگەكێ باش پاراستینە و ئارامن.
لیوا یەحیا رەسول پەیڤدارێ فەرماندەهیا گشتیا هێزێن چەكدارێن عیراقێ راگەهاندیە: ب تەڤایا رێكاران، سنورێن عیراقێ دگەل سوریا پاراستینە ب تایبەت ل دەڤەرێن باكورێ روژهەلاتا سوریا، كو ب چەكێ پێشكەفتی و جبەخانەیان ل ئامادەباشیێ دانە بو هەر پێشهاتەكێ.
یەحیا رەسول دبێژیت: سنورێن عیراقێ برێكا ئامیرێن پێشكەفتی و فروكێن بێفروكەڤان چاڤدرێری بو دهێتەكرن، هێزێن پاراستنا سنوران ژی ل پشت سوپاینە ل دەڤەرێدا، بەردەوام چاڤدێریا سنوران دكەن.
یەحیا رەسول ئاماژێ دكەت: دەزگەهێ هەوالگریێ چاڤدێریا ڤەلڤینا تیرورستان دكەت ئەگەر بێت و بەرەڤ سنورێن عیراقێ بهێن، ل وی دەمی هێزێن مە دێ بەرسڤەكا دژوار هەبیت.
ئەڤ ئامادەكاری و پێشهاتێن سەر سنورێ عیراقێ لدەمەكیدانە، بو دەمێ چەند روژەكایە رەوشا سوریا یا تێكچوی، هێزێن ئوپوزسیونێ بەشەك ژ دەڤەرێن حەلەب و ئیدلب و باكورێ روژئاڤا سوریا كونترولكریەڤە، ئالوزی دناڤبەرا ئوپوزسیون و سوپایێ رژێما ئەسەدی دروستبوویە.
