دیجیتال میدیا سپێده:
ئەندامەكێ لیژنا دارایی ل پەرلەمانێ عیراقێ راگەهاندیە: حكومەتێ دیتنا تایبەتا خو هەیە بو چارەسەركرنا ئاریشەیان دگەل هەرێما كوردستانێ، گوتژی: پروژە یاسایا بودجەی بتنێ دێ راستڤەكرن بو هێتەكرن نەك هونەری.
حسێن موئنیس ئەندامێ لیژنا دارایی ل پەرلەمانێ عیراقێ رادگەهینیت: حكومەتا عیراقێ دیتناخو هەیە بو چارەسەركرنا ئاریشان دگەل هەرێمێ و پرسا ب قاچاغبرنا نەفتێ بو دەرڤە برێكا زێدە مەزاختنا بەرهەمئینانێ ب 16 دولاران بو هەر بەرمیلەكی.
موئنیس ئاشكرا دكەت: لیژنا دارایی پارێزبەندیا هەی لبارا سولفە و قەرێن تایبەت ب هەرێمێ و گوت: نێزیكی 256 هزار بەرمیلێن نەفتا روژانە ل هەرێمێ ب پشتەڤانیا ئوپێك ب قاچاغ بو دەرڤە دهێتە هنارتن، لەورا پێدڤیە ئەڤ بادەكە بهێتە داخستن، ژبەركو یابویە ئاریشە بو بەرهەمئینانا حكومی.
ئاماژەكریە: لدەمێ گوتوبێژاندا چەندین پرسیار هاتینەكرن، كا بوچی 16 دولار بو هەر بەرمیلەكێ نەفتا هەرێمێ هاتینە دانان. ژوانا پرسیارا هاتیەكرن، ئەڤ ژمارەیە هونەریە یانژی سیاسیە و رێككەفتن لسەر هاتیەكرن. گوتژی: لیژنا دارایی كەسێن پەیوەندیدار مێهڤان كرینە، ئەو یەك پشت راستكریە كو ئەڤ بابەتە سیاسیە نەك هونەری، لەورا ل راستڤەكرنا پروژە یاسایا بودجەی بتنێ راستڤەكرنا سیاسی دێ هێتەكرن نەك هونەری.
