دیجیتال میدیا سپێده:
دارا سێكانیانی فراك ئەندامێسیونا یەكگرتوو ل پەرلەمانێ عیراقێ ژبو دەنگێ ئەمریكا راگەهاند: دشێین بێژین ئاریشا موچەی بگشتی سیچێت هەرێمێ نە ودبێژیت: د رویێ یاساییڤە موچێ فەرمانبەرێن هەرێمێ ئاریشە نینە، لێ د رویێ ئیداری وهونەری دا ئاریشە بو هاتینە دروستكرن وگوت: نەشێین هیچ تشتەكی لسەر پاشەروژا موچێ هەرێمێ ببێژین، چونكی پشتی ڤان سێ هەیڤێن دوماهیێ دێ چارەنڤیسێ موچەی كەڤیتە سەر پەیوەندیێن دناڤبەرا هەردوو حكومەتان دا.
دارا سێكانیانی راگەهاند ژی: دشێین بێژین ئەگەرێ سەرەكیێ گیروبوون ونەهاتنا موچێ فەرمانبەرێن هەرێمێ پابەند نەبوونا حكومەتا هەرێما كوردستانێ وحكومەتا عیراقێ یە ب بریارا دادگەها فیدرالی، ددەمەكێ دا دوو پشتەڤانێن بهێز مە هەنە ژبو موچێ فەرمانبەرێن هەرێمێ.
ئەو یەك ژی ئاشكراكر: ب رەنگەكێ گشتی سیچێت هەرێما كوردستانێ نە وبەردەوامە ل دروستكرنا رێگریان ل هەمبەری موچەی ودبێژیت: ئاریشە دڤێ یەكێ دایە هەرێم بەرهەڤ نەبویە د پروسا تەوتینكرنا موچەی دا، هەروەسا لیستا زانیاریێن موچەخۆران وەك پێدڤی بو بەغدا رەوانە ناكەت وخالا سێیێ ژی شاشی و كێم وكاسی د لیستا موچە خۆران دا هەیە.
روژا سێ شەمبیا رابوری جڤاتا وەزیرێن عیراقێ ب سەروكاتیا محمد شیاع سودانی كومبوو و پرسا موچەخورێن هەرێمێ گوتوبێژكر وبریار دا ژبو هەیڤێن 10 و 11 و 12 ژبو هەر هەیڤەكێ بگوژمێ 760 ملیار دیناران وەك موچێ فەرمانبەرێن هەرێما كوردستانێ بێتە خەرجكرن، لێ وەزارەتا داراییا هەرێمێ ژبو هەر هەیڤەكێ بگوژمێ 236 ملیار دیناران دێ كورتئینانا هەبیت.
