دیجیتال میدیا سپێده:
ئەندامەكێ پەرلەمانێ عیراقێ ئاشكرا دكەت: پەسەندكرنا راستڤەكرنا پروژە یاسا بودجا گشتی بو 3 سالا كوژلایێ جڤاتا وەزیران هاتیە ئاراستەگرن، گاڤەكا گرنگە بەرەف جێبەجێ كرنا دادپەروەریێ و شەفافیەتێ ل ئیدارەدانا داهاتێن نەفتێ دا.
زیا ئەلهندی، ئەندامێ پەرلەمانێ عێراقێ بۆ میدیایێن نافخویی راگەهاندیە: سبەهی پەرلەمانێ عێراقێ دێ كومبیت وگوتوبێژا راستڤەكرنا پروژە یاسا بودجا گشتی بو 3 سالا دێ كەت بو چارسەركرنا لایەنێن سیاسی و هونەری ل پێخەمەت بەرژەوەندیێن هەكی لایەكێ ب تایبەت ناڤبەرا هەرێم و بەغدایێ.
ئەلهندی راگەهاندیە ژی: راستڤەكرنێ هژمارەك برگێن سەرەكی لخوگرتینە ژوان ژی رێكخستنا تێوچیۆا بەرهەم ئینان و ڤەگوهاتسنا نەفتێ كو وەزارەتا دارایی یا عیراقێ قەرەبویا حكومەتا هەرێمێ دێ كەت دەربارێ تێچویا بەرهەم ئینان و ڤەگوهاستنا نەفتێ لگورەی رێكارەكێ كو دادپەروەری تێدابیت دگەل هەمی كێلگێن نەفتێ دا بوڤێ ژی لایەنەكێ راوێژكاریا هونەری یا نیڤدەولەتی تایبتمەند دبیت دناڤبەرا وەزارتا نەفتا عیراقێ و وەزارەتا سامانێن سروشتیین هەرێمێ دا.
هەردیسان راستڤەكرنا پروژە یاسا بودجێ راپوتا وان لایەنێن راوێژكار ژی لخودگریت دەربارێ پرسا تێچویا بەرهەم ئینان و ڤەگوهاستنا نەفتێ ناڤبەرا هەرێم و بەغدا هەیاكو پشت بەستن پێ بهێتەگرن وەكە بنەمایەك بو دیاركرنا قەرەبوویان.
