ديجيتال ميديا سپێده:
سەرۆك وەزیرێن عیراقێ ئەنجامێن سەرژمێریا ئاكنجیێن عیراقی ئاشكرا كر و راگەهاند: ژمارەیا گشتیی ئاكنجیان 45 ملیۆن كەس دەربازكریە و هەروەسا ژمارا ئاكنجیا هەرێم 6ملیۆن دەربازكرییە.
سەرۆك وەزیرێن عێراقێ محەمەد شیاع سودانی د كونفرانسەكا روژنامەڤانیدا ئەنجامێن گشتیی سەرژمێریا ئاكنجیێن عێراقی ڕاگەیاند: لگورەی ئەنجامێن بەرایی سەرژمێریا ئاكنجیان ، ژمارەیا كوما گشتییا خێزانان ل عیراقێ گەهشتیە 7 ملیۆنو 898 هەزارو 588 خێزانو تێكڕایا قەبارەیێ خێزانان گەهشتیە 5.3 تاك".
بەحسا ڤێ ژی كر: ژمارەیا گشتیی ئاكنجیێن عێراقێ 45 ملیۆن كەس دەربازكریە، ڕێژەیا ئاكنجیان ل باژێران سەدێ 70.3و ل گوندان ژی سەدێ 29.7یە".
ب گوتنا سەرۆك وەزیرێن عیراقێ هژمارا ئەندامێن نێر ل ولاتی گەهشتیە 22 ملیۆنو 784 هەزارو 62 كەس، واتە ل سەدێ 50.1، هەڤدەم ژمارەیا ئەندامێن مێ گەهشتیە 22 ملیۆنو 623 هەزارو 833 كەس واتا سەدێ 49.8.
د وێ كونگرێ دا سودانی ئاماژە بڤێ ژیكر: لگورەی سەرژمێریێ، سەرۆك خێزانێن زەلام سەدێ 88.67و سەرۆك خێزانا ژن ژی سەدێ 11.33یە، هەڤدەم سەدێ 36ی عێراقیان لبن تەمەنێ 15 ساڵیێ دانەو سەدێ 3.7ژی سەر تەمەنێ 65 ساڵیێ دانە.
هەروەسا وەزارەتا پلاندانانا هەرێمێ ژی ئەنجامێن سەرژمێریا ئاكنجیان ل هەر سێ پارێزگەهان بەلاڤكر و ئاشكراكر: لدور ئەنجامێن بەراهیێ ژمارا ئاكنجیان ل هەرێمێ گەهشتیە 6 ملیۆن و 370 هزار و 668 كەسان، 84% ژئاكنجیان ل باژێران دژین، و 16% ژ گوندان، هەروەسا رێژا رەگەزێ نێر ل هەرێمێ 50 پۆینت 4 لسەدێ یە، و رێژا رەگەزێ مێ ژی 49 پۆینت 6 لسەدێ یە.
