دیجیتال میدیا سپێده:
سەركردەیەكێ بزاڤا حەماس راگەهاندیە: بێی راگرتنا كومكوژیێن سوپایێ زایونی ل كەرتێ غەززە، لێكگهورینا ئێخسیران ناهێتە كرن.
خەلیل ئەلحەییە سەركردە ل زاڤا حەماس بو كەنالێ ئەقسا راگەهاندیە: حەماس رازیبوون دەربرییە لسەر پێكئینانا لیژنەیەكێ ژبو برێڤەبرنا كاروبارێن كەرتێ غەززە ب مەرجەكی ب تەمامی یا نافخویی بیت.
ئەلحەییە گوت ژی: ئەڤ پێشنیارە ژلایێ مسرێ هاتیە پێشكێش كرن، مە ژی ب رەنگەكێ بەرپرسیارانە سەرەدەری دگەل دا كریە، وخویاكر: ئەم ل سەر ڤێ پێشنیارێ رازینە، لێ ب مەرجەكی ئەڤ لیژنەیە یا نافخویی بیت و غەزەیی برێڤەببەن، وسەرپەرشتیا هەمی بابەتێن گرێدایی ب ژیانا روژانە بكەت.
لدور دانوستانێن لێكگهورینا ئێخسیران دناڤبەرا حەماس وئیسرائیل، ئەلحەییە گوت: بێی راگرتنا كومكوژییان، لێكگهورینا ئێخسیران ناهێتە كرن و هەڤكێشە یا پێكڤە گرێداییە و دبێژین: مە دڤێت ئەڤ دەستدرێژیا زایونی ل دەستپێكی بێتە راگرتن هەتا بشێین لێكگهورینا ئێخسیران بكەین.
ئەلحەییە ئاشكراكر: سەروك وەزیرێن قەوارێ زایونی ب ئەگەرێن سیاسی رێگریێ ل پێشهاتێن دانوستانان دكەت ژبو راگرتنا شەری سەر غەززە.
