دیجیتال میدیا سپێده:
وەزارەتا پلاندانانا عیراقێ راگەهاند: برێڤەچوونا پروسا سەرژمێریا ئاكنجیان ل عیراقێ بێی ئاریشە برێڤەدچیت وهیچ حالەتەك نەهاتیە تۆماركرن كاریگەری لسەر برێڤەچوونا وێ كربیت.
محمد عەلی تەمیم، وەزیرێ پلاندانانا عیرایقَ راگەهاندیە: رێكارێن سەرژمێریا گشتی ب ئارامی و بێی ئاریشە برێڤەدچیت، ل هیچ دەڤەرەكێ حالەتێن جیاواز نەهاتینە توماركرن هەتا كاریگەری لسەر ڤێ پروسێ هەبیت.
تەمیم خویاكریە: ئەنجامدانا سەرژمێریا ئاكنجیان برێیا ئەلیكترۆنی پێنگاڤەكا گرنگە و ئاسانكارییە ژبو گەهشتن ب ئەنجامێن هویر ل دەمەكێ دیاركری دا، وگوت: سیستەمێ ئەلیكترۆنی هاتیە دانان ژبو پاراستنا داتا و زانیاریان.
راگەهاند ژی: سەرژمێریێ دێ كاریگەرییەكا ئەرێنی لسەر پلانێن گەشەپێدانا ولاتی هەبیت و دێ هاریكار بیت ژبو پێشكێش كرنا خزمەتگوزاریان ب رەنگەكێ باشتر ژبو پێشڤەچوونا ئابوورا وەلاتی.
