دیجیتال میدیا سپێده:
بتنێ ل ههیڤا چرییا ئێكێ یا بووری، زێدهتر ژ شهش هزارو 600 حاڵهتێن جودابوونا ههڤژینان ل عێراقێ تۆمارینه، كو ژماره ب ههڤبهری دگهل ههیڤا ئهیلوولێ زێدهكرینه.
لگورهی ئامارێن ئهنجوومهنێ بلندێ دادوهرییا عێراقێ، ل ههیڤا چرییا ئێكێ یا ئهڤساڵه، 34 هزارو951 گرێبهستێن ههڤژینیێ ل عێراقێ هاتینهكرن، ههروهسا ڕێژهیا جودابوونا ههژینان ژی بۆ ههمان ههیڤ 6696 حاڵهت بوون.
ههر لگورهی ئامارێن ئهنجوومهنێ بلندێ دادوهریێ، ل ههیڤا ئهیلوولا بووری ل عێراقێ ژبلی ههرێما كوردستانێ، پێنج هزارو 462 حاڵهتێن جودابوونێ ههبووینه، كو هزارو 508 حاڵهتێن جودابوونێ ب بڕیارا دادوهریێ بوویه، ههروهسا زۆرینهیا جودابوویان ل سهرۆكاتییا دادگهها تێههڵچوونا كهرخ بوویۆه، 698 جودابوون ژی ژ دهرڤهی دادگههان بوویه.
