دیجیتال میدیا سپێده :
كوڕێ من ئه‌ڤ داره گوپاڵێ موسایه
کوڕێ من
هااا بگرە ، میراتێ مە ئەڤ دارەیە
ئەڤ دارە گوپالێ موسایە
دەما ل کوپیتکا بێ ئومێدییێ دەریا پێ دڕاندی
گوپالێ یەعقوبە ، دەما دایە بەر خۆ
کۆ زولمێ کوڕا ،ڕوناهییا چاڤێن وی براندی
ئەڤ دارە ، نەمامێ نوحییە
دەما بویە پاپوڕ و دناڤ لەهییا بێ مەفەر
ل وێ ڕێکا بێ ڤەگەڕ
دوبارە ژیان پێ ڤەژاندی
بگرە کوڕێ من ، ئەم یوسفین، گورگ مە ناخون
لێ ئەو بیرا قابیلێت برا
بومە کوڵای گەلەك کویرە، ئاڤا وی گەلەك سویرە
بگرە کوڕێ من ڤی داری بکە پێسترك
ئەز دێ چم و ڕێکا تە گەلەك دویرە
لێ بزانە ئەڤ دارە گوپالێ موسایە
و بزانە چ نەمایە
دێ ڕوژ ل تونێلا هەلێت
و دوبارە بێریا جەبالیا
لبن دارێ زەیتونا مەشکا خۆ کێت
وی دەمی ڤی گوپالی ب هێزا موسای دناڤ
چاڤێن بتێن عەرەبا ،و عەرشێ وان وەرکە
دوبارە دێ کانیا موسای بو ژیانێ لبن زێت
لبن زێت
