دیجیتال میدیا سپێده:
پێگەهێ ئورۆناوەڕاست بۆ مافێن مرۆڤی، كو ئێكە ژ رێكخراوێن نیڤدەولەتی و نەتەوێن هەڤگرتی داخازدكەت ب فەرمی برسێتی ل باكورێ كەلاتێ غەزە بهێتە راگەهاندن كو زێدەتر ژ 50 روژایە رێگری هاتیەكرن ژ داخلبونا هاریكاریێن مروڤی بو هزارەها ئاكنجیێن پارێزگەهێ.
د بەلاڤنامەكێ دا پێگەهێ ئورۆناوەڕاست راگەهاندیە: داخازێ ژ لایەنێن فەرمی و رێكخراوێن نیڤدەولەتی و نەتەوێن هەڤگرتی دكەین ب فەرمی برسێتیێ ل بكورێ غەزە رابگەهینن كو زێدەتر ژ 50 روژایە قەوارەیا زایونی رێگریێ دكەت ژ داخلبونا هاریكاریێن مروڤی بو خەلكێ دورپێكریێ نافچێ كو راستی دژوارترین هەوا كومكوژی و برسێتی و قركرن و ئاوارەیی و دەربەدەریێ بوینە.
راگەهاندیە ژی بدەهان هزار فەلەستنی ژوان ژی بدەهان نەخوش كو ل سێ نەخوشخانێن باكورێ غەزە توشی مەترسیا مرن و برسیبونێ بوینە ب ئەگەرێ دورپێچا سوپایێ زایونی كو ب نەیاسایی نەخوشخانێن وان ژ كارئێخستینە.
ئاماژە بڤێ ژیكریە: سوپایێ زایونی سەدان خانی و سەنتەرێ مانا ئاوارەیان ژنافبرینە و نزیكی هزار و 900 فەلەستینی شەهیدكرینە و زێدەتر ژ 4 هزارێن دی ژی بریندارن و بدەهان هزارل كەس ژی ئاوارەكرینە و كومكوژی ژی بەردەوامن.
پێگەهێ ئورۆناوەراست دبێژیت: فەلەستینێن باكورێ غەززە تووشی خرابترین رۆژانێن برسێتی وبۆردومان وئاوارەیی تێنیبونێ بونە وپێشتر ژی چەندین جارا برسێتی دیتیە.
