دیجیتال میدیا سپێده:
ل ئاستانا پایتەختێ كازاخستان كومبوونێن ئاستانا 22 لدور رەوشا سوریا برێڤەدچیت ب بەشداریا وەلاتێن گرەنتیكار هەر ئێك ژتوركیا، روسیا، ئیران، وشاندێن رژێما سوریا وئۆپۆزسیونێ و رێكخراوێن نێڤدەولەتی و وەلاتێن چاڤدێر.
بریارە كومبوونێن ئاستانا ژبو دەمێ دوو روژان بەردەوام بیت، و گوتوبێژێن دوو قوڵی و سێ قولی دنااڤبەرا شاندان دێ هێنە ئەنجامدان.
ل گەرا 22یێ دا، دێ پرسا ڤەدیتنا چارەسەریا قەیرانا سوریا كەن، و رێكارێن زڤراندنا باوەریێ دناڤبەرا لایەنان و دووبارە ئاڤەدانكرنا سوریا ومەرجێن زڤراندنا سوریان ژبو وەلاتێ خو.
نوونەرێن هەرئێك ژ سەروكێ توركیا و سەروكێ روسیا بەشدارن، هەروەسا شاندێ رژێما سوریا و شاندێ ئۆپۆزسیۆنا سوریا ودگەل نوێنەرێ تایبەتێ نەتەوێن ئێكگرتی ژبو سوریا گیێر پێدەرسوون وچاڤدێرێن ئوردن و لوبنان وعیراق ژی تێدا دبەشدارن.
دانوستانێن ئاستانا ئارمانج لێ چارەسەریا قەیرانا سوریایە و تەكەزیێ لسەر پێكولێن بەردەوام گەهشتن ب چارەسەریا گشتگیر دكەت لدور رەوشا هەرێمی ومرۆڤی ل سوریا دا.
ل سالا 2017 وەرە دانوستانێن ئاستانا ل كازاخستنا ب سەرپەرشتیا وەلاتێن گرەنتیكار توركیا و روسیا و ئیران ل پێخەمەت ڤەدیتنا چارەسەریێ ژبو قەیرانا سیاسیا سوریا برێڤەدچن.
