دیجیتال میدیا سپێده:
وەزارەتا پلاندانانا عێراقێ راگەهاند: ئەنجامدانا سەرژمێریا ئاكنجیان ل سەرانسەری ولاتی دا هیچ پەیوەندیەك ب ئاشكرا كرنا موچە و سەپاندنا باج و رسوماتا نینە و دیرە ژ بابەتێن سیاسی.
عەبد زوهرە هینداوی، پەیڤدارێ وەزارەتا پلاندانانا عێراقێ راگەهاندیە: هەر كارمەندەكێ سەرژمێریێ دێ سەردانا 100 خێزانا كەت و بۆ سێ جارا ژی دێ ڤەگەریتە لنك وان خێزانا و 72 پرسیاردێ هێنە ئاراستەكرن كو ئارمانج ژێ هژمارتن و وەرگرتنا زانیارێن تمامە.
هینداوی راگەهاندیەژی: لگورەی داتایێن دەستپێكی ل روژێن 20 و 21ی ڤێ مەهێ خەسڵەتێن ژیانا خێزانی دڤێت ل لایەنێن تەندروستی و خوێندن وئابووری وكۆمەڵایەتی دا خوببینیت.
هنداوی گوت ژی ل پرسیارێن سەرژمێریێ دا بەحسێ داهاتێ كەسی و خێزان و كەلوپەلێن وان ناهێتەكرن، و ئەنجامێن دەستپێكی ژی پشتی 24 دەمژمێرا دێ هێنە راگەهاندن كو هژمارا ئاكنجی وهژمارا كچ و كورا و زاروك و گەنج و هژمارا دەستێ كاركەر و یێن دی دێ هێنەدیاركرن.
هینداوی دوپاتی لڤێ ژیكریە هیچ مەترسیەك لسەر داتایێن ئەلكترونی نینە بو سەرژمێریێ و بابەت جودایە ژ پروسا دەنگدانا ئەلكترونی ، سەرژمێری خشتەیەكێ دیاردكەت كو داتایێن راست و دروست بو هەمی ئاكنجیان لخودگریت كو سەرەنجام دبیتە ئەگەرێ دابەشكرنا دادپەروەرانە یا داهاتێن سروشتی ناڤبەرا عیراقیان دا.
هنداوی راگەهاندیە ژی :ئەنجامدانی سەرژمێری دیرە ژ هەر كارتێكرنەكا سیاسی و كارەكێ گەشەپێدانی یەو دیانەتی لخۆ دگرێت و قەومییەتێ لخو ناگرێت.
