دیجیتال میدیا سپێده:
حکومەتا سویسرا راگەهاندییه یاسایا قەدەغەکرنا داپۆشینا سه‌رۆچاڤ کو ب "قەدەغەکرنا بورقا"ناسیاره ل جهێن گشتیدا ل ده‌ستپێكا ساڵا نوی دێ هێته جێبەجێكرن ئەڤ بڕیارە ژی نه‌ڕازیبوونا موسوڵمانێن وه‌ڵاتی ژێ په‌یدابوویه.
ئەنجومەنێ فیدراڵی یێ سویسرا د بەیاننامەیەکێدا ئاماژە ب وێ یه‌كێ كرییه، ل 1ـی 1 یا 2025ێ یاسا دێ هێته جێبەجێكرن و هەر کەسێ سەرپێچیێ بکه‌ت، جێ ب كوژمه‌یێ 1000 فرانکین سویسری کو دبنه (هزار و 114 دۆلار) غەرامه بیت.
ئەو یه‌ك ژی ئێخستیه به‌رچاڤ، قەدەغەکرن فڕۆکەخانە و دامەزراوەیێن دیپلۆماسی و کونسوڵگەرییان بخۆڤه‌ناگریت و ئاساییە سه‌روچاڤ ل جهێن پەرستن و جهێن پیرۆزێن دی بهێته داپۆشین و هەروەسا ب ئه‌گه‌رێ ساخله‌می و سەلامەتیێ، دابونەریتێن ناڤخۆیی یان ژ ئه‌گه‌رێ ره‌وشا ره‌وشا، داپۆشینا سه‌روچاڤان ئاساییە.
بڕیار دوهی چوارشەمبی هاتیه‌دان و یاسا ل ساڵا 2021ێدا ل راپرسییا گشتییدا هاتیه پەسەند کرن ئه‌ڤه ژی بوویە ئه‌گه‌رێ
دلگرانیێ لده‌ف موسوڵمانێن وه‌ڵاتی و ئیدانەکرنا ئەوێ یاسایێ.
