دیجیتال میدیا سپێده:
دەمێ 398 روژانە قەوارێ زایونی جینوسایدا گەلێ فەلەستینی دكەت دناڤ كەرتێ غەززەدا، سوپایێ زایونی ئەڤرو ژی بەردەوامبوویە ژ ئەنجامدانا كومكوژییان ل هەمبەری مالباتێن فەلەستینیان.
سوپایێ زایونی بوردومانا دەڤەرێن كەمپا جەدیدە ل ناڤەراستا كەرتی و روژهەلاتا باژێرێ رەفەح و باژێرێ خانیونس و مەشرۆع بەیت لاهیا ل باكورێ كەرتی وكەمپاجەبالیا كریە، بڤێ ئەگەرێ ژی دەهان كەس شەهید وبرینداركرینە.
ژێدەرێن ساخلەمیێ ل كەرتێ غەززە راگەهاندیە: ئەڤرو سوپایێ زایونی ژمارەیەك ژكومكوژییێن دی ئەنجامداینە و 27 فەلەستینی شەهید كرینە و دەهان كەسێن دی ژی بریندارن.
هەروەسا دەمێ 33 روژانە سوپایێ زایونی دوورپێچ ئێخستیە سەر پارێزگەها باكورێ غەززە و سیاسەتا برسیكرن وقڕكرنێ تێدا جێبەجێ دكەن وپێكولا داگیركرنا وی بەشێ كەرتێ غەززە ددەت وبتنێ ئەڤرو ژی 19 كەس تێدا شەهید كرینە.
ل 7ی ئوكتوبەرا 2023ەوەرە، سوپایێ زایونی ب پشتەڤاینا ئەمریكا وبەشەك ژوەلاتێن روژئاڤا دەمێ زێدەتری سالەكێ یە جینوسایدا گەلێ فەلەسین دكەت وتا نوكە ژی نزیكی 146 هزار كەسان شەهید وبرینداركرینە، و زێدەتری 10 هزارێن دی ژی دبەرزەنە.
