جڤاتا پەیوەندیێن ئەمریكا یا ئیسلامی داخازێ ل سەروكێ هەلبژارتیێ ئەمریكا دكەت سوزێن خو لدور بجهئینانا ئاشتی ودوماهی ئینان ب شەرێ كومكوژییا زایونی ژبو سەر كەرتێ غەززە جێبەجێ بكەت.
نیهاد عەوز، سەروكێ جڤاتا پەیوەندیێن ئەمریكا یا ئیسلامی راگەهاند: داخازێ ل سەرجەم بەرپرسێن هەلبژارتیێن ئەمریكا دناڤ واندا ژی دونالد ترەمپ سەروكێ هەلبژارتیێ ئەمریكا دكەین ب راستگویی سەرەدەریێ دگەل دلگرانیێن دەنگدەرێن موسلمان دا بكەن.
راگەهاند ژی: پێدڤیە ترەمپ سوزێن خو لدور بجهئینانا ئاشتیێ ودوماهی ئینان ب شەرێ كومكوژیێن زایونی ل كەرتێ غەززە جێبەجێ بكەت، لێ دڤێت ئەو ئاشتی، ئاشتییەكا راستەقینە و لسەر بنەمایێ دادپەروەری و ئازادی و دامەزراندنا دەولەتا سەربەخو یا فەلەستین بیت.
بەری نوكە دونالد ترەمپ لدەمێ بانگەشەكرنا هەلبژارتنێن سەروكاتیا ئەمریكا، سوز دابوون ئەگەر ب سەروكێ ئەمریكا بێتە هەلبژارتن، پێكولێ بدەت ئاشتیێ ل جیهانێ ونافچەیێ دا بەرقەرار بكەت، ودوماهیێ ژی ب شەرێ سەر غەززە بینیت.
