دیجیتال میدیا سپێده:
پشتی دوهی سوپایێ زایونی لدەمێَ ئوپەراسیونا سەربازی دا بو سەر دەڤەرێن كەرتێ روژئاڤا دا 8 فەلەستینی شەهید كرین، سپێدەهیا ئەڤرو ژی جارەكا دی هەلكوتایە سەر باژێرێ جەنین و كەمپا وێ.
سپێدەهیا ئەڤرو سوپایێ زایونی هەلكوتایە سەر باژێرێ جەنین وكەمپا وێ ل باكورێ كەرتێ روژئاڤا و بڤێ ئەگەرێ ژی گرژی وئالوزی دناڤبەرا فەلەستینی و سەربازێن زایونی دا دروست بوویە، و 12 فەلەستینی ژی دەستەسەركرینە.
هەروەسا سوپایێ زایونی جارەكا دی چوینە سەر باژێرێ قەباتییە و دروبرووبوونەكێ دا دوو سەربازێن زایونی هاتینە برینداركرن. هەروەسا بلندوزەرێن سوپایێ زایونی ژی مژویلی وێرانكرنا ژێرخانا باژێرێن فەلەستینی بوونە.
ئەڤە ددەمەكێ دایە ئێڤاریا دوهی روژا سێ شەمبی سوپایێ زایونی ل باژێرێ تولكەرەم و كەپا وێ و باژێرێ قەباتییە ئوپەراسیونا سەربازی ئەنجامدا ولدەمێ 24 دەمژمێران دا 8 فەلەستینی شەهید كرن و 6 ژوان ل باژێرێ قەباتییە بوون و 2 دی ژی ل باژێرێ تەمون ل باشوورێ تۆباس بوون.
وەزارەتا ساخلەمیا فەلەستین ل كەرتێ روژئاڤا بەلاڤكریە: ل پشتی 7ی ئوكتوبەرا 2023ەوەرە سوپایێ زایونی لدەمێ ئوپەراسیونان دا تا نوكە 777 فەلەستینی شەهید كرینە و نزیكی 6 هزار و 300 دی ژی بریندارن.
