دیجیتال میدیا سپێده:
بەربژارێ كۆماریخوازان ل ئەمریكا دونالد ترەمپ دهەلبژارتنا سەروكاتیێ دا سەركەفتن بدەستڤە ئینان و دگوتارەكێ دا سوپاسیا گەلێ ئەرمریكی دكەت ژبو هەلبژارتنا وی وەك 47مین سەروكێ ئەمریكا.
ددەمەكێ دا راگەهاندنا ئەنجامێن نەفەرمی یێن هەلبژارتنێن ئەمریكا بەردەوامە، ترەمپ رادگەهینیت: ژمارا نوونەرێن پێدڤی ژبو سەروكاتیێ دەربازكریە، ل ناڤەندا كونگرێسێ ل فلۆریدا گوتارا سەركەفتنێ ژی پێشكێش كر.
ترەمپ رادگەهینیت: سوپاسیا پشتەڤانیا ئەمریكیان دكەم، ئەڤە سەركەفتنەكا سیاسیە و بەری نوكە د دیروكا وەلاتیدا نەهاتیە دیتن، و وەك 47مین سەروكێ ئەمریكا هاتمە هەلبژارتن. وگوت: دێ بینە هاریكار ژبوباشتركرنا وەلاتی وسنورێن خو دێ بهێز كەین، هەمی تشتەكی لسەر وەلاتی دێ باشتر كەین. ترەمپ خویاكر: دێ كاری ژبو وەلاتیێن ئەمریكا كەم، و سەردەمێ نوی دێ بیتە سەردەمێ زێرینێ ئەمریكا.
لدور دوماهی ڤاڤارتنا رێژا دەنگان، دونالد ترەمپی 267 دەنگ ل كۆمەڵگەها هەلبژارتنان بدەستڤە ئینانە و ل بەراهیا كامالا هاریس دایە.
دناڤبەرا سالێن 2017 هەتا 2021 دونالد ترەمپ بو ئێكەمجار دبیتە سەروكێ ئەمریكا و ئەڤ سالە ژی دووبارە دهێتە هەلبژارتن وەك سەروكێ ئەمریكا ژبو چوار سالێن بهێت.
