دیجیتال میدیا سپێده:
بریکارێ سەرۆکێ فراکسیۆنا دەم پارتی، گوڵستان کڵچ کۆچیغیت ئیدانەیا دوورئێخستنا هەر ئێك ژ سەرۆکێ باژێرڤانیا ماردین و باتمان و خەلفەت کر ژ کارێن وان و، ئاماژە ب وێ یه‌كێ ژی كر كو سوباهی ل ماردین کۆمبوونا فراکسیۆنێ دێ هێته ئەنجامدان و بەشداریێ ناکەن ل کارێن ئه‌ڤی حه‌فتیێ یێن په‌رله‌مانی.
د کۆنگرەیەکێ ڕۆژنامەڤانیدا کو ل ئاڤاهیێ پەرلەمانێ تورکیا سازكر، کۆچیغیت به‌حس ژ وێ یه‌كێ كر ئەڤرو تورکیا "چاڤ ب بێ یاساییەکا نویدا ئینا"، ئەو یه‌ك ژی دیاركرن كو ل چوارێ چرییا دووێ یا ٢٠١٦ێدا هەر ئێك ژ فیگەن یوکسەکداغ و سەڵاحەددین دەمیرتاش و ژمارەیەکا زۆر ژ پەرلەمانتاران د ئۆپەراسیۆنه‌كا هه‌ڤده‌میدا دەسته‌سه‌ركرن و، دوورئێخستنا هەر ئێك ژ سەرۆکێ باژێرڤانیا ماردین و باتمان و خەلفەتی سەر ب دەم پارتیێ د ئه‌ڤرودا ڕێکكه‌فت نینە.
ڕاگه‌هاند ژی: "وەزارەتا ناڤخۆ به‌حس ژ وێ یه‌كێ دكه‌ت كو سەرۆکێ باژێرڤانییان ژ ئه‌گه‌رێ ئەوان سزایێن ب سەر دا سەپاندینه و ئەو ڤه‌كولین ل سەر هەیە لاداینه و قەیووم بۆ باژێران داناینه. ژ ئەنجامێ ئەڤێ هەمی بڕیارێن دادگه‌هێ کو ب دادگه‌ها ڕێنمایی کری بەریف پێشڤه هاتینه و ئەڤ نه‌یاسایێ ئەنجام دده‌ن".
کۆچیغیت به‌حس ژ وێ یه‌كێ ژی كر كو هەتا ئەڤرو ل ١٤٩باژێرڤانییاندا ڕاسپاردن ئەنجامداینه و، ئەڤه جارا سیێ یه ئەڤ بڕیارە بۆ مه‌زنه باژێرڤانیێن ماردین دده‌ن و، ڕاگه‌هاند: "ئەڤرو ئەڤ ڕژێما قەیوومان بارێ نه‌ئاسایی پەیڕەو دكه‌ت".
گوت ژی: "سوباهی ل ماردین کۆمبوونا فراکسیۆنێ ئەنجام دده‌ن. ئەڤێ حه‌فتیێ بەشداریێ ناکەین ل کارێن ئەنجوومەنێ گشتیی، کۆمیسیۆنا پلان و بوودجەیا پەرلەمانی و کارێن دی یێن کۆمیسیۆنێدا".
