دیجیتال میدیا سپێدە:
ل پێخەمەت باشتركرنا پەیوەندیێن دنااڤبەرا هەردوولایان، ئەڤرو وەزیرێ دەرڤەیێ سعودیە گەهشتە بەغدا پایتەختێ عیراقێ.
وەزارەتا دەرڤەیا سعودیە بەلاڤكریە: ئەڤرو ئەمیر فەیسەڵ بن فرحان وەزیرێ دەرڤەیێ وەلاتی گەهشتیە عیراقێ ژبو گوتوبێژكرنا باشتركرنا پەیوەندیێن دناڤبەرا ریاز وبەغدا.
راگەهاندیە: سەرەدانا بن فرحانی ژبو بەغدا سەرەدانەكا فەرمییە وتێدا دێ گوتوبێژا پەیوەندیێن هەردوو وەلاتان كەت د بیاڤێن جودا دا.
پشتی شەڕێ عیراقێ ژبو سەر كوێتێ ل سالا 1990، دەستهەلاتدارێن سعودیە بالیوزخانا خو ل بەغدا داخست، پشتی 25 سالان ژ بڕینا پەیوەندیان، جارەكا دی هەردوو وەلاتان ل سالا 2015 دەست ب پەیوەندیێن خویێن دیبلوماسی كرەڤە، و رێكەفتن ولێكتێگەهشتنێن هەڤبەش ژی ئیمزا كرن، هەروەسا بەرپرسێن هەردوو وەلاتان سەردانێن دیبلوماسی ئەنجامداینە.
