دیجیتال میدیا سپێدە:
كومپانیا دی ئێن ئۆ یا نەرویجی برا بەرهەمئینانا نەفت و قازانج و داهاتێن خو ل چارێكا دوویێ یا ئەڤسالە ل كێلگەهێن سنورێ بادینان بەلاڤكرن.
كومپانیا دی ئێن ئۆ یا نەرویجی بەلاڤكریە: برا بەرهەمئینانا نەفت و قازانج و داهاتێن وێ ل چارێكا دوویێ یا ئەڤسالە ل كێلگەهێن فیشخابوور و تاوكێ گەهشتیە 35 ملیۆن دولاران.
كۆمپانیا دی ئێن ئۆ راگەهاندیە: ل كێلگەهێن نەفتی یێن هەرێما كوردستانێ ل فیشخابوور و تاوكێ بو چارێكا دوویێ یا ئەڤسالە بگشتی روژانە 79 هزار و 783 بەرمیلێن نەفتێ بەرهەم ئیناینە، هەڤبەر دگەل چارێكا ئێكێ یا ئەڤسالە بەرهەمێ وێ برێژا 5 % بلند بویە.
كومپاینا ناڤهاتی دبێژیت: ل كێلگەها فیشخابوور روژانە بگشتی 49 هزار و 99 بەرمیل بەرهەم ئینانە، ل كێلگەها تاوكێ ژی 30 هزار و 684 بەرمیلێن نەفتێ بەرهەمئیناینە، لێ ل كێلگەها بەعشیقە هیچ بەرهەمەك نەبوویە.
ئاشكراكریە: ئێك بەرمیلا نەفتێ ل هەردوو كێلگەهێن فیشخابوور و تاوكێ ب زێدەتری 30 دولاران بازرگانیا نافخو پێ هاتیەكرن و فروتیە. ل چارێكا دوویێ یا ئەڤسالە كومیا گشتیێ داهاتێ كومپانیا دی ئێن ئۆ یا نەرویجی ل هەرێمێ گەهشتیە 137 ملیۆن دولاران و قازانجا وێژی گەهشتیە 35 ملیۆن دولاران.
