دیجیتاڵ میدیای سپێده
کاتژمێر ٠٦:١٦ی بەرەبەیانیی ئەمڕۆ بوومەلەرزەیەک بە گوڕی ٥،٦ پلە لە شاری خۆی سەر بە پارێزگای ئازەربایجانی رۆژئاوای ئێران روویدا.
سه‌رۆكایه‌تیی بەڕێوەبردنی كاره‌سات و باری له‌ناكاو (AFAD) لە ماڵپەڕی تایبەتی خۆی زانیاری دەربارەی بوومەلەرزەکە بڵاوکردەوە و ئەوەی خستەڕوو کە بوومەلەرزەکە چەقەکەی شاری خۆی سەر بە پارێزگای ئازەربایجانی رۆژئاوای ئێران بووە و لە قوڵایی حەوت کیلۆمەتردا روویداوە.
لە تۆڕە کۆمەڵایەتییەکاندا بڵاوکرایەوە کە بوومەلەرزەکە لە شارەکانی وان و هەکاریش هەستی پێکراوە.
ئەوەش دیاری کرا کە چەقی بوومەلەرزەکە ٢٩ کیلۆمەتر لە قەزای باشکالەی شاری وان-ەوە دوور بووە.
تا ئێستا زیانی بوومەلەرزەکە بڵاو نه‌كراوه‌ته‌وه.
