دیجیتاڵ میدیای سپێدە

ئێوارەی رۆژی سێشەممە 23/11/2022 پرۆفیسۆر دكتۆر عەلی قەرەداغی ئەمینداری گشتی یەكێتی جیهانی زانایانی موسڵمان و سەرۆكی رابیتەی مرۆیی بە یاوەری شاندێك لە شاری هەولێر سەردانی نوسینگەی سەرەكی كەناڵی ئاسمانی سپێدەی كرد و لە لایەن بەڕێوەبەری گشتی كەناڵ و ئەندامانی دەستەی كارگێڕی و كارمەندانی كەناڵ پێشوازیان لێكرا.

پرۆفیسۆر دكتۆر عەلی قەرەداغی لە میانەی دانیشتنی لەگەڵ بەڕێوەبەر و كارمەندانی سپێدە، دەستخۆشی لە كەناڵی سپێدە كرد بۆ گواستنەوەی هەواڵەكانی جیهانی ئیسلامی و گرنگیدان بە كارو چالاكیەكانی یەكێتی جیهانی زانایانی موسڵمان و رابیتەی مرۆیی، هەروەها پشتگیری خۆی بۆ كەناڵی سپێدە دەبڕی و هیوای بەردەوامیدان و سەركەوتنی بۆ خواست.

لای خۆیەوە عبدالكریم ئەحمەد بەڕێوەبەری گشتی كەناڵی سپێدە بەناوی سەرجەم كارمەندانی سپێدە بەخێرهاتنی ئەمینداری گشتی یەكێتی جیهانی زانیارانی موسڵمانی كرد و و سوپاسی پشتگیریەكانی بەڕێزیانی كرد.

.

.

وێنە عەبدوڵا ئیبراهیم