وەزارەتی بەرگریی ئەمریكا رایگەیاند: لەماوەی 4 مانگی رابردوودا، فڕۆكە جەنگیەكانی هاوپەیمانان لە عێراق و سوریا 1400 هێرشی ئاسمانییان كردوەتە سەر چەكدارانی داعش.
وەزارەتی بەرگریی ئەمریكا لە نوێترین ئاماریدا ئاشكرایكرد: لە مانگی هەشتەوە لەلایەن فڕۆكە جەنگییەكانی هاوپەیمانانەوە، 1400 هێرشی ئاسمانیی كراوەتە سەر چەكدارانی داعش و سەرجەمی ئەو هێرشانەش لە هەردوو وڵاتی عێراق و سوریا ئەنجامدراون.
بەپێی ئامارەكە لە ئەنجامی ئەو هێرشانە 300 ئۆتۆمبێل و 75 بنكەی موشەك هاویشتن و 40 مۆڵگە و سەربازگە و چەندین خاڵی پشكنین و پاڵاوگەی نەوتی رێكخراو داعش تێكشكێندراون،
هەر لە ئەنجامی ئەو بۆردومانانە بە دەیان چەكداری داعش كوژراون و ئەمەش بوەتەهۆی ئەوەی ئەو رێكخراوە لە بەشێكی ناوچەكانی ژێردەشتی پاشەكشە بكات.