ديجيتال میدیا سپێدە:
ئەندامەكێ جڤاتا نوینەرێن عێراقێ ژ فراكسیۆنا یەكگرتوو راگەهاند: ژبەر وێ چەندێ ل هەیڤا بووری، لیستا مووچەیێ فەرمانبەر و مووچەخورێن هەرێمێ ژلایێ بەغداڤە تێبینی لسەر هەبوو، ژبەر ڤێ یەكێ مووچەیێ هەیڤا 7 تا نوكە پاشكەتییە.
دارا سێكانیانی ئەندامەكێ جڤاتا نوینەرێن عێراقێ ژ فراكسیۆنا یەكگرتوو ب سپێدە ڤە ڕاگەهاند: ژبەر وێ یەكێ كو هەیڤا بووری ژمارەیەكا زۆر ژ مووچە خۆران د لیستا مووچەیێ مووچەخۆرێن هەرێمێدا زێدەكرییە، بۆ ئەڤێ هەیڤێ وەزارەتا داراییا عێراقێ هویربینیێن زێدەتر یا لیستا مووچەیێ هەیڤا 7 دكەت، ژبەر ڤێ یەكێ مووچەیێ هەیڤا 7 پاشكەتییە.
ئەوی ئەندامێ جڤاتا نوینەرێن عێراقێ ئەو یەك ژی گوت: پاشكەفتنا مووچەی پەیوەندی ب وێڤە نینە كو نەختینە نینە، مووچەیێ مووچەخۆرێن هەرێمێ دێ هەر هێت، چونكی ئەڤە بڕیارا دادگەها بلندا فیدڕاڵییا عێراقێیە، لێ دەمێ وێ دێ كەنگی هێت ئەو دێ وەزارەتا داراییا عێراقێ دیار كەت.
