دیجیتال میدیا سپێدە:
وەزارەتا ئەوقاف وكاروبارێن ئایینی یا حكومەتا كاربرێكەر وئێكەتیا زانایێن ئایینێ ئیسلامی ئیدانا ئاخفتنێن قاسم شەشوی دكەن و رادگەهینن: بێرێزی ل هەمبەری ئایینێ ئیسلامێ وپیروزیێن وێ جهێ قەبولكرنێ نینە ورێك پێناهێتە دان.
دراگەهاندنەكێ دا، وەزارەتا ئەوقاف وكاروبارێن ئایینی وئێكەتیا زانایان ب توندی ئیدانا ئاخفتنێن قاسم شەشۆی دكەن دەما ل بونەیەكێ دا ل شنگال بێرێزی ل بەرامبەر ئایینێ پیروزێ ئیسلامێ وپێغەمبەرێ مە سلاڤ لسەر بن كری، ئەم ب مافێ خو دزانین رێكارێن یاسایی دڤی واریدا بگرینە بەر.
ئەوقاف وئێكەتیا زانایان دبێژن: ئێك ژشانازیێن هەرێما كوردستانێ پێكڤە ژیانا ئایینی ونەتەوەییە، كوردێن ئێزدی ژی ب دەستێ تیرورستێن داعش جینوساید و رەفتارێن نەمروڤانە بسەر دا هاتینە، ئەڤ رەفتارا تیرورستێن داعش یا ل هەمبەری هەمی پێكهاتان هاتیە ئەنجامدان، بەروڤاژی بنەمایێن پیروزێن ئایینێ ئیسلامێ وئایینێن دییە، وهیچ دەمەكی كریارا تیرورستی و توندرەوی وخرابكاری لسەر هیچ ئایین و نەتەوەیەكی ناهێتە هەژماركرن، لەورا نابیت ب بەهانەیا كریارێن توندڕەویێ ئایینێ پیروزێ ئیسلامێ بهێتە ب ئارمانج گرتن، چونكی بێرێزی ل هنەمبەری ئایینێ ئیسلامێ وپیروزیێن وێ جهێ قەبولكرنێ نینە.
راگەهاند ژی: ئەڤ جورە داخویانیە ژ هەر كەسەكی بن رێك پێ ناهێتە دان، ل پێخەمەت ئێكرێزی وپێكڤە ژیانێ وهەڤدوو قەبولكرنێ پێدڤیە هەمی لایەك ئیدانا ڤان رەفتاران بكەین، تێدا هەستێ موسلمانان یان ژی هەر ئایین ونەتەوەیەكی دی بێتە برینداركرن.
