دیجیتال میدیا سپێدە:
كۆمپانیا ب بازاركرننا نەفتا عیراقێ داهاتێ فروتنا نەفتا خو ژبو نیڤا ئێكێ یا ئەڤ سالە بەلاڤكر وگەهشتیە 50 ملیار دۆلاران.
ل نویترین زانیاری دا، كومپانیا ب بازاركرنا نەفتا عیراقێ سۆمۆ بەلاڤكریە: ل نیڤا ئێكێ یا ئەڤ سالە داهاتێ فروتنا نەفتا عیراقێ ژ 50 ملیار دۆلاران نزیك دبیت، و خویاكر: هننارتنا نەفتا بەسرە گەهشتیە نزیكی 612 هزار بەرمیلێن نەفتێ، هەروەسا ل كێلگەهێن نەفتی یێن كەركوك ژی نزیكی 4 ملیون بەرمیلێن نەفتێ هنارتیە كێلگەها نەفتا گەیارە و زێدەتر ژ 2 ملیۆن و 113 هزار بەرمیلان ژی رەوانەی وەلاتێ ئوردن كرینە، داهاتێن وێ ژی نزیكی 409 ملیون و 690 هزار دولاران بویە.
سەرجەمێ روژانە نزیكی 3 ملیون و 396 بەرمیلێن نەفتا هنارتینە، ب گشتی ژی ل نڤیا ئێكێ یا ئەڤ سالە زێدەتری 618 ملیون و 44 هزار بەرمیلێن نەفتێ ب بهایێ نزیكی 49 ملیار و 678 دولارن و ب سەرجەمێ هەر بەرمیلەكێ ژی ب زێدەتری 80 دولاران هاتیە فروتن.
