دیجیتال میدیا سپێدە:
سپێدەهیا ئەڤرو شەمبیێ 27-7-2024 بەڕێز مامۆستا سەلاحەدین محەممەد بەهائەدین ئەمیندارێ گشتیێ یەكگرتوویا ئیسلامییا كوردستانێ ب هەڤالینیا شاندەكی ژ ئەندامێن ئەنجومەنێ جێبەجێكرنێ و سەركردایەتیێ، سەرەدانا قەزایا سەیدصادق كرییە و د كڤانێ بەشداریكرنێ د مەراسیما ڕێزلێنانێ بۆ كۆمەكا زانا و مامۆستایێم ئایینی كو چەندیم ساڵێن زۆرن خزمەت ب مینبەر و میحرابێن كوردستانێ كرییە، ڕاگەهاند: زانایێن ئاینی شەمالكا گەشبوونا كۆمەڵگەها كوردینە و ئەركێ مە هەمیانە ڕێزلێنانیانێ بۆ بكەین.
د بەشەكێ دی یێ پەیڤێن خۆدا، ئەمیندارێ گشتیێ یەكگرتوویا ئیسلامییا كوردستانێ ئاماژە بۆ ئەركێ پیرۆزێ زانایێن ئاینی و بانگخوازان و هێزو لایەن و ڕێكخراوێن ئیسلامی كر ژ پاراستنا شوناسێ ئاینی و ئەخلاقی یێ گەلێ مە و ڕێگری ل هەر پیلان و پێلەكا فەساد و تێكدەر كو دڤێت تاك و خێزانا كوردستانی تووشی ژناڤچوون و شكەستنێ بكەت.
هەروەسا ئەمیندارێ گشتیێ یەكگرتوو ڕژدی ل وێ ڕاستیێ كرییە كو هەمی ئیسلامی و موحافزكارێن نشتیمانی مە ئێك ئارمانج هەیە و پێكڤە ڕوو ب ڕوویێ گەندەڵی و پیلانا ژناڤبرنا ئەخلاقی دبیت.
د دوماهییا دیدارێدا، ئاماژە ب وێ یەكێ ژی دایە كو دیرۆكا كوردان واتە دیرۆكا میحراب و مینبەرو حوجرەو زانایێن ئاینی كو ب سەدان زاناو ماقیلێن مەزنێن كورد ل بووری دەرچوویێن زانستێن شەرعی بوون، جهێ شانازییا ئوممەتا ئیسلامیی ب گشتی و كوردان بتایبەتینە، ژبەر ڤێ چەندێ پێدڤییە دەزگایێ زانایێن یەكگرتوو ب بەرنامە و پرۆگرامێ نوی كار بۆ گرنگیدانا زێدەتر ب زانست و علومەیێن شەرعی بدەن.
