قەناعەتت بۆ دروست دەکەن هەژاریی عەیب نیە و خودا هەژاری زۆرتر خۆشدەوێت، پێغەمبەر هەژاربووە، قەناعەت خەزێنەیەکی لە بن نەهاتووە، دنیا نەویستی مەردایەتییە، دنیا ویستی و تەماع خراپەیە، باشی و سەرکزی سەرمایەی هەژارانە، دەوڵەمەندەکان خوێن مژن..
جۆرێك لە بێ هۆشکردن، بەشێوەیەك وات لێ دەکەن چێژ لە هەژاریی و نەداری ببەیت، بە لاوازی و بێ چارەیی خۆت دڵخۆشبیت!!
لە بارەی دەوڵەمەندی عوسمان و تەلحەو زوبێرو سەعدو بەخشینەکانیانەوە قسەت بۆ ناکەن خودا لێیان رازی بێت..
لەو رووەوە قسەت بۆ ناکەن کە پێغەمبەر پەنای گرتووە بە خودا لە کافری و هەژاریی پێکەوە، یان ئەوەی کە فەرموویەتی: دەستی باڵاو بەخشندە باشترە لە دەستی نزم و وەرگر یان فەرموویەتی: باوەڕداری بەهێز لەپێشترە لەلای خودا لە باوەڕداری لاواز..
بەڵکو پێت دەڵێن: (قەیدی نیە هەژارو لاوازو ئاتاجبیت) بەس نیە لە قیامەت پرسیارت لێ ناکرێت، ئیتر تۆ هەمیشە بەدوای نان و بژێوی رۆژانەدا رادەکەیت تا سەرت نەپەرژێتە سەر زاڵمی وڵاتەکەت ، بیرت لای چەوساندنەوەی خەڵك نەبێت، نەبیتە مایەی سەرئێشە بۆ زاڵمان، پلان و بەرنامەت نەبێت بۆ باشترکردنی ژیان، نەبادا رۆژێك ببیت بە چقڵی چاوی ئەوان!!!