دیجیتال میدیا سپێدە:
وەرن دابچین دناڤ گەشتا پیروز دا (حەجێ) وهندەک خوشی ولەزەتێن وێ بینینە زمان؟
ئەستەمە کەسەک بشێت خوشی ولەزەتا ئیمانی وگیانی ودەرونی یا حەجێ دەربرینێ ژێ بکەت ئیلە ئەو نەبیت یێ چویە حەجێ و حیکمەت و نهێنیێت وێ دناف خوین و دل ودەرونێت وی دا گەریابیت.
١- خوشیا حەجا مالا خودێ هەر ژناف تومارکرنێ وچاڤە رێ کرنێ دەست پێ دکەت ئەگەر مروڤ شەیدایێ وێ بیت .
دەما لشەش مها بەری وەرزێ حەجێ پشک دهێتە کێشان و مزگینیا دەرکەفتنا ناڤێ مروڤی دگەهیتە مروڤی ومروڤ سوجدا شوکرێ بو خودێ دبیت وروندکێت کەیفێ پچاڤێت مروڤی دا دهێنە خوار چ خوشیا هند نینە کو خودێ مروڤ ژمێهڤانێت مالا خو بو ئەڤ سالە هلبژارتی.
پشتی ناڤ دەرکەفتنێ ، دهەر شەش مهێن بەری حەجێ دا مروڤ روژا دهژمێریت و دەست بئامادەکاریێت دەرونی ورەوشەنبیری وساخلەمیا لەشی وهەمی پێدڤیێت وێ گەشتا پیروزو وێ مێهڤانداریا قەدرگران دکەت ئەڤەژی لەزەتەکا جێواز ددتە ژیانا مروڤی پتنێ یێ تامکریێ دزانیت.
٢- خواتر خواستن ژکەسو کارا بو وەغەرا پیروز یا جودایە ژهەمی خواتر خواستنان. وەک مرنا مروڤێ چاکە کو کەسو کار بودگرین کو ماوەیەکێ درێژ دێ شوان ڤەقەتیێت ودبیت ژی دوماهیک دیتن بیت .
لێ ئەوکەسێ دچیت گەلەک یێ کەیف خوش و دلخوشە کو دێ چیتە مالا خودێ خواستیێ مێهڤانداریاویە ودێ چیتە عەرەفێ ودێ هێتە ئازاکرن ودێ چیتە باوەرناما بەهەشتا بەرین بدەست خو ڤە ئینیت وهەکەر لوێرێ بمریت ژی ئەڤە مەسترین هیڤیا ویە کو لوی جهێ پیروز ولوی ئەردو دەمێن پیروز بچیتە بەر دلوڤانیا خودایێ خو.
٣- لدەما مروڤ ئیحراما گرێددەت لفروکخانێ و لئاسمانێ بلند پێگڤە دەست بگوتنا سرودا تەلبیێ دکەن : ( لبيك اللهم لبيك لبيك لاشريك لك لبيك. ...). چ خوشیا هند نینە کو مروڤ بەرسڤا گازیا خودایێ خو ددەت هەر وەکی گیانێ مروڤی ژلەشێ مروڤی دەردکەڤیت وبەرەف ئافراندرێ خوڤە دفریت.
٤- دیتنا کەعبا پیروز وتەوافا قدومێ وەک دیتنا ئاشق ومەعشوقانە مروڤ هەمی دنیایێ ومال وکەس وکاران ژبیر دکەت وئێک سەر مروڤ دچیتە دجیهانا گیانی وئیمانی ورەبانی دا وهەمی هەستێن مروڤی یێن دنیایی ومادی دهێنە راوستیان وهەستێن باوەریێ وگیانی ئەکتیڤ دبن وکەلا گریێ کەیفێ و داخوازا لێبورینی دکەڤیتە چاڤ و دل وسینگێ مروڤی.
ومەسترین خوشی هەر ئەڤەیە هەروەکی خودێ تو داخوازکری دا لهەمی گونەهو کێماسیێت تە ببوریت وژکەیفا تو دگری ودان پێدانێ بهەمی تاوان وگونەهو کێمتر خەمیێت خو دکەی .
٥- دەمێ لنڤێژا لسەحنا کەعبا پیروز بشێوەیەکێ بازنی دگەل حەجیێت هەمی رەنگو نفشا و بکفنێت سپی (ئیحراما) بەرامبەر روگەهیێ بئێکسەری دراوستی ئەو کەعبو روگەها بهەمی تەمەنێ خو بدیراتیا هزارەهان کیلیومەتەرا روژێ بکێمی پێنج جاران تو دراوستیای ئەڤرو بچەند مترەکا وبشێوەیەکێ ئێکسەرو لبەرچاڤان تو دراوستی نڤێژێ. ماچ خوشی ولەزت ژوێ مەسترە وما کی دشێت لڤێ راوستیانێ روندکێت کەیفێ وڤینا خودێ نەبارینیت.
بتایبەت دەما ئیمامێ حەرەمێ بدەنگێ خویێ خوش وان ئایاتان دخوینیت یێ بەحس لکەعبێ وپیروزیاوێ و ئاڤاکەرنا وێ ژلایێ ئیبراهیمی وئیسماعیلی سلاڤێت خودێ لسەروان بن دهێنە خواندن ویان بەحسێ خوشتڤی موحەمەدی دهێتە کرن دەما ئەف ئایەتە لڤی جهێ پیروز بو دهاتنە خوارێ. ..هتد.
٦- روژانێت حەجێ بخو ژعەرەفێ وموزدەلیفێ ومینایێ ورەمی الجمرات وتوافا ئیفازی خوشیا وان بچو رەنگان ناهێتە وەسفکرن ئەو روژ گوپیتکا خوشێت ژیێ ئیماندارانن.
عەرفە مەسترین وبقەدرترین روژا خودێ وەک دیمەنەکێ ساحا مەحشەرێ یە . بەلێ دیمەنێ روژا ئازاکرنێ وقەبیل کرنا دوعا وهیڤیا وداخوازیایە کو خودایێ مەزن بجەلالەت وعزتا خوڤە لهنداف وان مێهڤانێت مالا خو لعەرەفێ ئامادەدبیت و شانازیێ بخرڤەبونا وان وهاتنا وان لدیف گازیا وی دهێتەکرن وستایشا وان بو مەلائیکەتا دکەت. ولهەمی گونەهێت وان خوشدبیت وان ئازادکەت ودوعا وداخوازیێت وان قەبیل دکەت.
ما دەسکەفت وخوشی ولەزەتێن ژڤێ مەستر هەنە ؟
زکرێ لموزدەلیفێ (المشعر الحرام ) پشتی عەرەفێ غێر زکرە ! ناهێتە وەسفکرن.
ئامادەبون لمینایێ لەهەرسێ شەڤێن مایی ژ جەژنێ ورەجماندنا هەرسێ جەمەراتا لهەرسێ روژان هاڤیتن و وڤەقەت یانە ژ هەمی حەزێن دەرونی یێن خراب وهەمی گونەهو وبێ ئەمریێت خودێ کاچەوا مروڤ شەیتانی درەجمینیت.
وئەڤەژی خوشترین هەستە کو مروڤ وگونەهژێک خلاس مروڤی هیمایێ گونەهان بدەستێن خو رەجماندی.
٧- ( طواف الافاضة) پشتی مەناسکێن حەجێ غێر تەواف وغێر تامە ! گیانەکێ سڤک ، دەرونەکێ رون ، دلەکێ پاک وپری باوەری. لدور کەعبێ زڤرین ودوعاکرن و غاردان وهاتن وچونا ل سەفا ومەروایێ هەست وخوشیەکا دیە بتنێ یێ دیتی دزانیت چیە !
(طواف الوداع ) نەخوشترین دەمێ حەجێ یە ژبەرکو تویێ خوشترین گەشت دژیانا خودا بدوماهیک دئینی وخوترا خو ژڤان جهو دەمو سات وهلویستێن پیروز دهینی وروندکێت خواتر خواستنێ بێ مروڤی دهێنە خوار ومروف حەس ناکەت ئەف تەوافە بدۆماهی بهێت.
لێ خوشیا وێ ئەوە کو مروڤ بدلەکێ پری هیڤی وئارام و بێ گونەهی خواترا خوش مالا خودێ دخوازیت پشتی مەزنترێن خەلاتێ خودایێ خو وەرگرتی
ئەوژی باوەرناما بەحەشتا بەرینە ( الحج المبرور لیس له جزاء الا الجنە ).
وهەروەسا پشتی مروف هاتیە شیشتن وپاقشکرن ژ گونەهان ( من حج فلم یرفث ولم يفسق رجع كيوم ولدته امه ).
ئەڤە بتنێ بکورتی هندەک ژ دەستکەفت وخوشی ولەزەتێن حەجا پیروزن.
خودێ ژهەمی حەجیان قەبیلکربیت وبرزقێ هەمی موسلمانێت باوەردار بکەت.
