دواى ئه‌وه‌ى ئیداره‌ى ئه‌مریكا هاوكاریه سه‌ربازیه‌كانى بۆ ئیسرائیل كه‌مكردۆته‌وه، حكومه‌ته‌كه‌ى نه‌تنیاهۆ تووشى ترس و دڵڕاوكێ زۆر بووه، چونكه ئه‌گه‌ر هاوكاریه سه‌ربازیه‌ك نێوده‌وڵه‌یته‌كان بۆ ئیسرائیل نه‌مێنێت ناتوانێت به‌رده‌وامى به جه‌نگى غه‌ززه بدات.
نه‌تنیاهۆ سه‌رۆك وه‌زیرانى حكومه‌تى جوله‌كه‌ى زایۆنى رایگه‌یاند، نزیكه‌ی چوار مانگه، ناردنی چه‌ك و ته‌قه‌مه‌نی له ئه‌مریكاوه بۆ ئیسرائیل كه‌مبووه‌ته‌وه، ماوه‌ی چه‌ند هه‌فته‌یه‌ك داوامان له ئه‌مریكا كردووه كه ناردنی چه‌ك بۆ ئیسرائیل خێراتر بكه‌ن.
باسی له‌وه‌ش كردووه كه بڕێك چه‌ك و ته‌قه‌مه‌نی له ئه‌مریكا گه‌یشتۆته ئیسرائیل و داوایان كردووه ته‌قه‌مه‌نی دیكه له‌لایه‌ن ئه‌مریكاوه ڕه‌وانه‌ی ئیسرائیل بكرێت.
وه‌زیرى به‌رگرى ئیسرائیل ئه‌مڕۆ به‌په‌له خۆى گه‌یانده واشنتۆن و داواى له ئیداره‌ى ئه‌مریكا كردووه، به زووترین كات هاوكارى ماددى و سه‌ربازى بۆ ئیسرائیل بنێرن، له‌به‌ر ئه‌وه‌ى روبه‌ڕووى جه‌نگ بوونه‌ته‌وه له هه‌ردووه سنوورى غه‌ززه و لوبنان.
