كۆمپانیای گشتی بازرگانی دانەوێڵە لە وەزارەتی بازرگانی، بڕی گەنمی وەرگیراوی جوتیارانی لە لایەن سایلۆكانەوە ڕاگەیاند.

حەیدەر نوری بەڕێوەبەری گشتی كۆمپانیاكە بە ئاژانسی هەواڵی عێراقی ڕاگەیاند: تا ئێستا كۆمپانیاكە 5 ملیۆن و 200 هەزار تۆن گەنمی وەرگرتووە و پرۆسەی وەرگرتنی گەنم هێشتا بەردەوامە.

ئاماژەی بەوەشدا : 700 هەزار تۆن هی ساڵی ڕابردوو ماوە پێشبینی دەكەین بەرهەمهێنانی گەنم بە بەراورد بە بەرهەمی ساڵی ڕابردوو دوو ملیۆن تۆن بەرزبێتەوە.

پێشتر وەزارەتی بازرگانی ڕایگەیاندبوو، كە ئامانجەكانی وەرزی بەبازاڕكردنی بەرهەمی گەنمی ساڵی 2024 بەدیهاتوون لەڕێگەی ئەو بڕە گەنمەی كە لەلایەن جووتیارانەوە بەبازاڕ دەكرێت، هاوكات ئاماژەیە بۆ گەیشتن بە خۆبژێوی و ئاسایشی خۆراك.