لەگەڵ نزیكبونەوەی جەژنی قوربان، هاوڵاتییان لە هەمو جیهانەوە سەردانی وڵاتی سعودیە دەكەن بە مەبەستی ئەنجامدانی فەریزەی حەج، ئەمڕۆش رێورەسمەكانی ئەنجامدانی فەریزەی حەج دەستێدەكەن
وەزارەتی ئەوقاف و كاروباری ئاینی ئەرك و واجباتی حاجیانی بڵاوكردوەتەوە و دەڵێت: لەئەمڕۆوە ئەركەكان دەستپیدەكەن كە بەمجۆرەی خوارەوەن:
ئێوارەی هەینی حاجیان ئیحرام دەبەستن و بەرەو كێوی عەرەفە بەڕێدەكەون، تاكو ڕۆژی شەممە نوێژی مەغریب لەعەرەفە دەمێننەوە، دواتر حاجییان دەچنە ناوچەی موزدەلیفە و نوێژی مغریب و عیشا بەقەسر و جەمع دەكەن و شەو لەوێ دەمێننەوە.
دواتر حاجیان دەچن بۆ جەمەڕات، بۆ تەوافی ئیفازە و دواتر سەعی سەفا مەڕوا دواتر قژ تاشین یان كورتكردنەوە،- بۆ رۆژی یەكەمی جەژن حاجیان دەچنە مینا دوو شەو دەمێننەوە، - یەكەم رۆژ دوای نیوەڕۆ دەچن بۆ جەمەڕات،- دوەم رۆژیش دوای نیوەڕۆ دەچن بۆ جەمەڕات،
- ئەرك و واجباتی حەج كۆتایی دێت تاكو ساتی گەرانەوە و ئەنجامدانی تەوافی ماڵئاوایی، مەرجە حاجیان هەدی بكەن واتە ئاژەڵێك سەربڕن لەماوەی بەجێگەیاندنی ئەركەكانی حەج.
