دیجیتال میدیا سپێدە:
رێكخراوا كوچا نێڤده‌وله‌تى یا سه‌ر ب نه‌ته‌وه‌یێن هه‌ڤگرتى راگه‌هاندیه: گومان دهێته برن 670 كه‌سان گیانێ خو ژده‌سدابن ژبه‌ر هه‌ڕفینا چیایى ل گونده‌كێ پاپوا گینیا نوى.
كوچا نێڤده‌وله‌تى لدور بویه‌را هه‌ڕفینا چیایى و رووچوونا ئه‌ردى ل ویلایه‌تا ئه‌نگا ل پاپوا گینیا نوى زانیاریان به‌لاڤ دكه‌ت و ئاشكراكریه: ژبه‌ر هه‌ڕفینا چیایى و رووچوونا ئه‌ردى ل 24ێ ڤێ هه‌یڤێ، نزیكى 150 خانیان كه‌فتینه ژێر داروبه‌ران و گومان دهێته برن، 670 كه‌سان گیانێ خو ژده‌ستدابن.
ته‌كه‌زكریه: پێكولێن تیمێن هه‌وارهاتنێ بو هاریكاریا زیانڤێكه‌فتیان به‌رده‌وامه، لێ هێڤیێن رزگاركرنا وى خه‌لكى لژێر شه‌ش هه‌تا هه‌شت مه‌ترێن ئاخ و داروبه‌ران ماین یا كێمه.
به‌رپرسێن كۆچا نێڤده‌وله‌تى دبێژن: ژبه‌ر نه‌جێگیریا ئه‌ردى و ئاخا ده‌ڤه‌رێ، تیمێن هه‌وارهارتنێ ژى تووشى مه‌ترسیان بوینه.
