هـه‌واڵـه‌كـان وتــار بـه‌رنـامـه‌ درامـــا وه‌رزش ته‌كنه‌لۆجیا پـه‌یـوه‌نـدی ده‌ربــاره‌

چین مانۆڕێکی سەربازیی لە دەوروبەری تایوان دەست پێ کرد

سوپای چین ڕایگەیاند کە مانۆڕێکی سەربازیی گشتگیریان لە دەوروبەری تایوان دەست پێ کردووە.

فەرماندەیی بەرەی رۆژھەڵات سەربە سوپای رزگاریخوازی میللی چین لە ڕاگەیاندراوێکدا ئاماژەی بەوەداوە کە مانۆڕێکی سەربازیی گشتگیریان لە ناوچەکانی باکوور، باشوور و ڕۆژھەڵاتی دوورگەی تایوان دەست پێ کردووە.

بەپێی ڕاگەیاندراوەکە، گوتەبێژی فەرماندەیی بەرەی رۆژھەڵات سەربە سوپای رزگاریخوازی میللی چین، لی شی ڕایگەیاندووە، ئامانج لە ئەنجامدانی مانۆڕە سەربازییەکەیان لە دەوروبەری تایوان، سزادانی ئەو ھەوڵانەیە کە بەردەوام بۆ سەربەخۆیی لە تایوان خراونەتەگەڕ، ھەروەھا ھۆشدارییەکە لە دەستوەردانی ھێزە بیانییەکان لە پرسی تایوان.

لە ڕاگەیاندراوەکەدا، ئەوەش خراوەتەڕوو کە ئەو مانۆڕە بە ناوی "شمشێری ھاوبەشی 2024-A" دەستی پێکراوە و دوو ڕۆژ دەخایەنێت و ھێزەکانی وشکانی، ئاسمانی و دەریایی چین تیایدا بەشدارن.

بەپێی ڕاگەیاندراوەکە، لەچوارچێوەی مانۆڕەکەدا، مەشق لەبارەی ئامادەیی شەڕی ئاسمانی دەریایی، دەستبەسەرداگرتن و کۆنترۆڵکردنی سەنگەرەکان و مەشقی تەقەکردن لەسەر ئامانجە سەرەکییەکان، ئەنجام دەدەرێت.

ھاوکات لەبەرامبەردا، وەزارەتی بەرگریی تایوان، سەرکۆنەی ئەنجامدانی مانۆڕە سەربازییەکەی چین لە دەوروبەری تایوان کرد.

وەزارەتی بەرگریی تایوان لە ھەژماری خۆی لە تۆڕی کۆمەڵایەتی ئێكس ڕایگەیاندووە: "ئێمە بەدوای ململانێدا ناگەڕێین، بەڵام لێی ڕاناکەین و متمانەی تەواومان ھەیە کە ئاسایشی نەتەوەیی خۆمان دەپارێزین".

. بابه‌تی هاوبه‌ش

نرخی دراوه‌كان

100 دۆلار
146,700 دینار
100 یۆرۆ
171.000 دینار
100 پاوه‌ند
195.500 دینار
100 لیره‌
6.000 دینار
100 تمه‌ن
3.250 دینار