لەراگەیاندراوێكدا كۆمپانیایی دانەغازی ئیماراتی كە لەكێلگەكانی هەرێم كار دەكات، تەواوی داهاتەكانی بۆ ماوەی سێ مانگی سەرەتای ئەمساڵ بڵاویكردەوە كەداهاتەكانی لەهەرێم گەیشتووەتە 97 ملیۆن دۆلار.
كۆمپانیایی دانەغازی ئیماراتی رایگەیاندوە: لەسێ مانگی یەكەمی ئەمساڵ دا داهاتی كۆمپانیاكە گەیشتووتە97 ملیۆن دۆلار و قازانجەكەشی 38 ملیۆن دۆلار بووە، بەراورد بە قازانجی ساڵی رابردو 12 ملیۆن دۆلار كەمیكردو،ئەمەش بەهۆی گۆڕانكارییەكانی نرخی نەوت وغاز لەجیهان دا.
دانەغاز ئەوەشی خستەڕوو: لەچارەكی یەكەمی ئەمساڵدا سەرجەمی رێژەی بەرهەمهێنان 56.75 ملیۆن بەرمیل بوە و بەراورد بە چارەكی یەكەمی ساڵی رابردو رێژەی بەرهەمهێنان 10% كەمیكردوە.
لایخۆیەوە ریچارد هۆڵ سەرۆكی جێبەجێكاری كۆمپانیای دانەغاز رایگەیاندوە: لەهەرێمی كوردستان ژمارەیەكی پێوانەییان تۆماركردوە وبەرهەمهێنانی غاز بە رێژەی 46.4 ملیۆن مەتر سێجا لە رۆژێكدا بەردەوامە.
ودەشڵێت: كۆمپانیای دانەغاز بڕێكی باش لە شایستەكانی لەهەردوو حكومەتەكانی هەرێمی كوردستان و وڵاتی میسری وەرگرتووەتەوە كەبڕەكەی 67 ملیۆن دۆلارە، دواتر بڕی نۆ ملیۆن دۆلاری دیكەش وەرگیراوە، هاوكات لەكۆتایی مانگی سێی ئەمساڵ شایستەكانی كۆمپانیای دانەغاز لەهەرێم گەیشتوەتە 91 ملیۆن دۆلار.