ئەنچیلۆتی رایدەگەینێت: ڕابردوو وەك یادگاریەكی باش دەمێنێتەوە، ئەم یارییە چیرۆكێكی جیاواز دەبێت. یەكەم یاری پێش كۆتایی، كە بە متمانەوە ڕووبەڕووی بایرن دەبینەوە، دەزانین ئەوان یانەیەكی خاوەن كەسایەتیەكی گەورەن.
كارلۆ ئەنچیلۆتی ئیتاڵی و راهێنەری یانەی ریال مەدرید رایگەیاند: خۆشحاڵین كە لێرەین، هەندێك كەس لەم ژوورەدا چاوەڕێی ئەوەیان نەدەكرد كە من بگەمە ئێرە كەچی ئێستا پێیان دەڵێم ئێمە لێرەین، ئامانجی ئێمە گەیشتنە بەیاری كۆتایی.
ئاماژه‌ی به‌وه‌شكرد، متمانەیەكی زۆرمان بەخۆمان هەیە، هەرچەندە بایرن لە بۆندس لیگا ئاستی باش نەبووە بەڵام لە یانەپاڵەوانەكان بەتایبەتی بەرامبەر ئەرسناڵ ئاستێكی باشی پێشكەش كرد.
ئەنچیلۆتی باسی لەوەش كرد، بایرن میونخ تیپێكی بەهێزە لە گواستنەوەكاندا و یاریزانی خێرای هەیە دەتوانن بە خێراییەكی زۆر و فشارێكی زۆرەوە یاری بكەن.
ووتیشی: ئێمە دوو تیپین كە ناسنامەیەكی زۆر ڕوونمان نییە بەو پێیەی هەمیشە دەتوانین یارییەكان بە شێوازی جیاواز ئەنجام بدەین.
