پەرلەمانی بەریتانیا لە چوارچێوەی پڕۆژە یاسایەكدا پلانی حكومەتی ریشی سوناكی پەسەند كرد بۆ ناردنی پەنابەران بۆ وڵاتی رەواندا لە ئەفریقیا.
بڕیارەكەی پەرلەمانی بەریتانیا دوای كۆنگرەكە رۆژنامەوانیەكەی ریشی سوناك، سەرۆكوەزیرانی بەریتانیا هات كە داوای لە پەرلەمانتارانی پارتی كرێكارانی بەریتانیا كرد واز لە دژایەتی پلانی ناردنی پەنابەران بۆ رواندا بهێنن.
سوناك رایگەیاند، لە مانگی تەمموزی داهاتووەوە گەشتەكان بۆ رواندا دەستپێدەكەن. چەندین فڕۆكە ئامادەكراون و كۆچبەرەكانیش بەمزوانە ئامادەدەكرێن بۆ ناردنەدەرەوەیان.
سەرەكوەزیران وتیشی، ئەو وادەیە دیاریی كرابوو،كە كۆچبەران لە بەهاردا رەوانەبكرێن راگیراوە هۆكارەكەشی رێگریكردنەكانی ئەندامانی پەرلەمانی سەر بە پارتی كرێكاران بوو، ئەوان رێگەیان نەدا رێوشوێنە یاساییەكانی رەوانەكردن بۆ رواندا جێبەجێ بكرێت.
سوناك دەیەوێت ئەم ناردنە بۆ ئەو وڵاتە ئەفریقییە ببێت بە رێگر لەبەردەم هاتن و گەیشتنی بەلەمە قاچاخەكان بۆ بەریتانیا.
