فراكسیۆنی یەكگرتووی ئیسلامی كوردستان لە لە پەرلەمانی عێراق كۆبوونەوەیەكی گرنگی لەگەڵ سەرۆكی دادگای فیدڕاڵی لەڕۆژی پێنجشەممە 18-4-2024 لەشاری بەغدا ئەنجامدا.
لە كۆبوونەوەكەدا فراكسیۆنی یەكگرتووی ئیسلامیی كوردستان لەگەڵ سەرۆكی دادگای فیدڕاڵیدا تاووتوێی چەند تەوەرەیەكی گرنگیان كرد پەیوەست بە ماف و شایستە داراییەكانی مووچەخۆرانی هەرێمی كوردستان، لەوانەش: پلەی بەرزكردنەوەی فەرمانبەران و مامۆستایان یەتایبەتی و مووچەخۆران بەگشتی و خستنەڕووی ووردەكاری تەواو سەبارەت بە مووچەی خانەنشینان و كەسوكاری شەهیدان و ئەنفالكراوان و زیندانیانی سیاسی لەگەڵ ئاشكراكردنی چارەسەری پێویست لەبارەی سێ مووچەی فەوتاوی ساڵی ڕابردوو، ئەمە جگە لە ڕێكارەكانی تەوتینی مووچەخۆران لە هەرێمی كوردستان.
بڕیاریشە لەكۆنگرەیەكی ڕۆژنامەوانیدا بەڕێزان د.موسەننا ئەمین و مامۆستا دارا سێكانیانی ئەندامانی ئەنجومەنی نوێنەرانی عێراق لە فراكسیۆنی یەكگرتوو دەرەنجامە گرنگەكانی كۆبوونەوەكە لە كۆنگرەیەكی ڕۆژنامەوانیدا سبەینێ ڕۆژی شەممە 20-4-2024 كاتژمێر 11ی پێشنیوەڕۆ لە هۆڵی گەشەپێدان تەنیشت مەڵبەندی سلێمانی یەكگرتو بۆ ڕایگشتی ڕابگەنن.