هـه‌واڵـه‌كـان وتــار بـه‌رنـامـه‌ درامـــا وه‌رزش ته‌كنه‌لۆجیا پـه‌یـوه‌نـدی ده‌ربــاره‌

بەغدا وئەنقەرە پێنگاڤان بەرەف ڕێككەفتنا ستراتیژی دهاڤێن

دیجیتال میدیا سپێدە:

وەزیرێ‌ بەرەڤانیا توركیا راگەهاند: ئەنقەرە وبەغدا پشتی چەندین سالان پێنگاڤان ب ئاراستەیێ‌ ئیمزاكرنا ئێكەم رێكەفتننامەیا ستراتیژی دهاڤێژن.

یەشار گولەر وەزیرێ‌ بەرەڤانیا توركیا لدور سەرەدانا ئەردوگانی ژبو عیراقێ‌ بو روژنامەڤانێن وەلاتێ‌ خو راگەهاند: روژا دووشەمبیا بهێت رەجەب تەیب ئەردوگان سەروك كومارێ‌ توركیا دێ‌ بەرەڤ عیراقێ‌ برێكەڤیت و ژبو ئێكەمجارە ژی ل پشتی چەندین سالان ئەنقەرە دێ‌ رێكەفتننامەیەكا ستراتیژی دگەل بەغدا ئیمزا كەت.

گولەر راگەهاند ژی: ئوپەراسیونێن پەیوەندیدار ب بەرهنگاربوونا تیرورێ‌ بەردەوامن، مە پلان بەرهەڤ كرینە و بەردەوامین ژ كاركرنێ‌ و گوت: دوستێن مەیێن عیراقی، دەستەواژەیەكا نزیك بكارئینایە ژبو ناڤئینانا پەكەكە ب تیرورست.

گولەر د بەرسڤا پرسیارەكێ‌ لدور وێ‌ یەكێ‌ ئەرێ‌ ب ژڤانن نافچەیەكا پاراستی ب كوراتیا 30 كیلومەتران ل سەر سنورێن توركیا وعیراقێ‌ دروست بكەن، ناڤهاتی ئاشكراكر: ب كریاری نافچەیا پاراستی هاتیە دامەزراندن، لێ‌ هندەك كار هەنە پێدڤیە بهێنە ئەنجامدان و كار دكەین ژبو ئەنجامدانا وان ژی.

خویاكر: ئەو كار ژی پەیوەندیدارن ب پاكژكرنا نافچەیێن قەندیل و چیایێ‌ گارە ل باكورێ‌ عیراقێ‌ ژ هێزێن پەكەكە.

. بابه‌تی هاوبه‌ش

نرخی دراوه‌كان

100 دۆلار
145,450 دینار
100 یۆرۆ
171.000 دینار
100 پاوه‌ند
195.500 دینار
100 لیره‌
6.000 دینار
100 تمه‌ن
3.250 دینار