هـه‌واڵـه‌كـان وتــار بـه‌رنـامـه‌ درامـــا وه‌رزش ته‌كنه‌لۆجیا پـه‌یـوه‌نـدی ده‌ربــاره‌

حەماس پێشوازیێ‌ ل بڕیارا جڤاتا ئاسایشێ‌ دكەت ژبۆ راگەهاندنا ئاگربەستێ‌ ل كەرتێ‌ غەززە

دیجیتال میدیا سپێدە:

جڤاتا ئاسایشا نێڤدەولەتی پروژە یاسایەك ژبوراگرتنا شەری ل كەرتێ‌ غەززە ژبو هەیڤا رەمەزانێ‌ وپاشێ‌ ژی ب رەنگەكێ‌ درێژخایەن پەسەند كر، پروژێ‌ ئاگربەستێ‌ ژلایێ‌ هەر ئێك ژ وەلاتێن جەزائیر، ئیكوادور، ژاپۆن، مالتا ، موزەمبیق وكوریا باشور وسویسرا وچەند ئەندامێن دیێن دەمكی یێن جڤاتێ‌ بەرهەڤكر بوو، پاشێ‌ ژی ژلایێ‌ 14 وەلاتێن دناڤ جڤاتا ئاسایشێ‌ دەنگ ب پروژەی دایە و پەسەند كریە، لێ‌ ئەمریكا دەنگ ب پروژەی نەدایە.

پشتی پەسەندكرنا بریارێ‌ هەر ئێك ژ بزاڤا حەماس ودەستهەلاتداریا فەلەستین ل رامەلڵا پێشوازی ل پروژە بریارا جڤاتا ئاسایشا نەتەوێن ئێگرتی كر لدور ئاگربەستا شەری ل غەززە وبزاڤا حەماس سوپاسیا وەلاتێ‌ جەزائیر دكەت.

بزاڤا حەماس راگەهاندیە: بەرهەڤین ژبو لێكگهورینا بلەز یا ئێخسیران دگەل ئیسرائیل دچوارچوڤێ‌ بریارا نەتەوێن ئێكگرتی و رژدبوونا خو ژی ل سەر ئاگربەستا هەردەمی وڤەكێشانا سوپایێ‌ زایونی ل غەززە دووپاتكر.

هەرچەندە نوێنەرێ‌ ئەمریكا ل جڤاتا ئاسایشێ‌ دەنگ ب پروژە بریارا ئاگربەستا غەززە نەدایە، لێ‌ حكومەتا زایونی ژ هەلویستێ‌ ئەمریكا دلگران وتوڕەیە ژبەر كو ئەمریكا ڤێجارێ‌ ڤیتۆ بكار نەئینا، پشتی پەسەندكرنا پروژە بریارێ‌، نڤیسینگەها بنیامین نتنیاهۆ سەرك وەزیرێن دەولەتا زایۆنی راگەهاند: ژبەر دلگرانیا وان ل ئەمریكا سەرەدانا چاڤەرێكری یا تیما دانوستانێن وەلاتی ژبو واشنتۆن هەلوەشاندیە.

ئەڤ بریارا جڤاتا ئاسایشێ‌ پشتی 171 روژان ل شەرێ‌ ئیسرائیل بو سەر كەرتێ‌ غەززە دهێت وتێدا زێدەتری 32 هزار وەلاتیێن فەلەستینی شەهید كرینە.

. بابه‌تی هاوبه‌ش

نرخی دراوه‌كان

100 دۆلار
145,450 دینار
100 یۆرۆ
171.000 دینار
100 پاوه‌ند
195.500 دینار
100 لیره‌
6.000 دینار
100 تمه‌ن
3.250 دینار