بە هۆی بۆردومانی سێ خانووی فەڵەستینییەکان لە کەرتی غەززەی گەمارۆ دراو لە لایەن سوپای ئیسرائیلەوە، بە لایەنی کەم17 فەڵەستینی شه‌هیدكران و ژمارەیەکیش بریندار بوون.
ئاژانسی هەواڵی فەرمی فەڵەستین (WAFA) بڵاوی کردەوە، سوپای ئیسرائیل دوو ماڵی لە شارۆچکە دێربەلەح ناوەڕاستی کەرتی غەززە بۆردومان کردووە و بە لایەنی کەم لەم هێرشەدا 15 کەس گیانیان لەدەستداوە و ژمارەیەکیش بریندار بوون.
هەروەها سوپای ئیسرائیل ماڵێکیشی لە کەمپی ئاوارەکانی جەبالیا لە باکووری کەرتی غەززە کردووەتە ئامانج کە 70 فەڵەستینی تێدا بووە و بە هۆیەوە دوو کەس گیانیان لەدەستداوە. هەوڵەکان بۆ ڕزگارکردنی ئەو خەڵکەی کە لە ژێر داروپەردووی ڕووخاوی بیناکاندا ماونەتەوە، درێژەی هەیە.
